തിരുവനന്തപുരം: സംസ്ഥാനത്ത് വരാനിരിക്കുന്ന മൂന്നാഴ്ചക അതിനിർണ്ണായകമെന്ന് ആരോഗ്യമന്ത്രി. കോവിഡ് രോഗബാധിതരുടെയും രോഗ സ്ഥിരീകരണത്തിന്റെയും നിരക്ക് കുത്തനെ ഉയര്‍ന്ന സാഹചര്യത്തിലാണ് മന്ത്രിയുടെ പ്രസ്താവന. കേരളം ഇത് പ്രതീക്ഷിച്ചതാണ്. അതേസമയം, ഇത് കോവിഡിന്റെ മൂന്നാം തരംഗമല്ല, രണ്ടാംതരംഗത്തിന്റെ തുടര്‍ച്ചയാണെന്നും വീണ ജോർജ്ജ് പറഞ്ഞു.
ടി.പി.ആര്‍ കുറച്ചുകൊണ്ടുവരാനുള്ള നടപടികള്‍ സ്വീകരിച്ചുകഴിഞ്ഞു. കഴിഞ്ഞ ഏപ്രില്‍-മേയ് മാസങ്ങളിലാണ് ഏറ്റവും കൂടുതല്‍ കോവിഡ് കേസുകള്‍ കേരളത്തില്‍ റിപ്പോര്‍ട്ട് ചെയ്തത്. 43,000ത്തിന് പുറത്ത് രോഗികളുടെ എണ്ണത്തില്‍ വര്‍ധനയുണ്ടായി. എങ്കിലും അത് വളരെ കുറച്ചുകൊണ്ടുവരാനായി.
കേരളത്തിന്റെ മാതൃക ലോകം അംഗീകരിച്ചതാണ്. ഐ.സി.യുവിലുള്ള രോഗികളുടെ എണ്ണത്തിലും ആശുപത്രികളില്‍ പ്രവേശിപ്പിക്കപ്പെടുന്ന രോഗികളുടെ എണ്ണത്തിലും വളരെ കുറവാണ് ഇപ്പോള്‍ രേഖപ്പെടുത്തുന്നത്. എങ്കിലും അടുത്ത രണ്ടുമൂന്ന് ആഴ്ചകള്‍ അതി ശ്രദ്ധ പുലര്‍ത്തണമെന്നും നിയന്ത്രണങ്ങള്‍ പാലിക്കണമെന്നും മാധ്യമങ്ങൾക്ക് നൽകിയ അഭിമുഖത്തിൽ ആരോഗ്യമന്ത്രി അഭിപ്രായപ്പെട്ടു.
Post Your Comments