പാർട്ടിക്കാർക്ക് പിൻവാതിൽ വഴി വാക്‌സിൻ: അർഹതപ്പെട്ടവർ സ്ലോട്ടുകൾ കിട്ടാതെ പുറത്ത്

തി​രു​വ​ന​ന്ത​പു​രം: വാക്‌സിൻ ക്ഷാമം സം​സ്ഥാ​ന​ത്ത് രൂക്ഷമായിക്കൊണ്ടിരിക്കുകയാണ്. തി​രു​വ​ന​ന്ത​പു​രം, കൊ​ല്ലം, തൃ​ശൂ​ര്‍, കോ​ഴി​ക്കോ​ട് ജി​ല്ല​ക​ളി​ല്‍ സ്റ്റോ​ക്ക് പൂ​ര്‍​ണ​മാ​യും തീ​ര്‍​ന്നു. മ​റ്റു ജി​ല്ല​ക​ളി​ലും വാ​ക്സി​ന്‍ ഇ​ന്ന് തീ​ര്‍​ന്നേ​ക്കും. നിലവിൽ നാലു ജില്ലകളിൽ വാക്‌സിനേഷൻ മുടങ്ങിയിട്ടുണ്ട്. സ്ലോട്ട് എടുത്തവർക്ക് പോലും നൽകാൻ വാക്‌സിൻ ഇല്ലെന്നാണ് അധികൃതർ പറയുന്നത്.

Also Read:മുകേഷുമായി പിരിയാനുള്ള തീരുമാനം മുൻപേ എടുത്തു, വക്കീൽ നോട്ടീസ് അയക്കാതിരുന്നത് തെരഞ്ഞെടുപ്പായതിനാൽ: ദേവിക

45 വയസ്സിന് മുകളിലുള്ള ആളുകളിൽ പലർക്കും ഇതുവരെ ആദ്യ ഡോസ് വാക്‌സിൻ പോലും ലഭിച്ചിട്ടില്ല. അതേസമയം പിൻവാതിൽ വഴി 18 വയസ്സിന് മുകളിലുള്ള സ്ലോട്ട് പോലും ബുക്ക്‌ ചെയ്യാത്തവർക്കാണ് സർക്കാർ വാക്‌സിൻ നൽകുന്നതെന്ന ആരോപണം ശക്തമാണ്. പു​തി​യ സ്റ്റോ​ക്ക് എ​ന്നെ​ത്തു​മെ​ന്ന് ഇ​തു​വ​രെ വി​വ​രം ല​ഭി​ച്ചി​ട്ടി​ല്ല. പ്ര​തി​സ​ന്ധി നീ​ളു​ന്ന​തോ​ടെ ര​ണ്ടാം ഡോ​സ് കാ​ത്തി​രി​ക്കു​ന്ന​വ​ര്‍, യാ​ത്ര​യ്ക്കാ​യി വാ​ക്സി​ന്‍ വേ​ണ്ട​വ​ര്‍ എ​ന്നി​വ​ര്‍ കൂ​ടു​ത​ല്‍ പ്ര​തി​സ​ന്ധി​യി​ലാ​കും.

സ്വ​കാ​ര്യ​ ആശുപത്രിയിൽ നിലവിൽ ബു​ക്ക് ചെ​യ്താൽ വാ​ക്സി​ന്‍ ല​ഭി​ക്കും. 150-ഓ​ളം സ്വ​കാ​ര്യ ആ​ശു​പ​ത്രി​ക​ളി​ല്‍ മാ​ത്ര​മാ​ണ് വി​ത​ര​ണ​മു​ണ്ടാ​വു​ക. പക്ഷെ സാധാരണക്കാരായ യാത്രക്കാർക്കും മറ്റും ഈ പ്രതിസന്ധി ഘട്ടത്തിൽ വാക്‌സിന് വേണ്ടി പണം മുടക്കുക എന്നത് ബുദ്ധിമുട്ടുള്ള കാര്യമാണ്. അതുകൊണ്ട് തന്നെ എത്രയും പെട്ടെന്ന് വാക്‌സിനേഷൻ പുനരാരംഭിക്കാനുള്ള നടപടികൾ സർക്കാർ സ്വീകരിക്കണമെന്നാണ് ജനങ്ങളുടെ ആവശ്യം.