ഷിംല: ഹിമാചൽപ്രദേശിൽ മണ്ണിടിച്ചിൽ. കിന്നൗറിലാണ് സംഭവം. മലയുടെ ഒരു ഭാഗമാണ് അടർന്നു വീണത്. വിനോദ സഞ്ചാരത്തിനെത്തിയ ഒമ്പത് പേർ മരണപ്പെട്ടു. മൂന്ന് പേർക്ക് പരിക്കേൽക്കുകയും ചെയ്തു. സംഗ്ല താഴ്‌വരയിലാണ് അപകടം ഉണ്ടായത്. ഡൽഹിയിൽ നിന്നും വിനോദയാത്രക്ക് പുറപ്പെട്ടവരാണ് മണ്ണിടിച്ചിലിനെ തുടർന്ന് മരിച്ചതെന്നാണ് വിവരം. മലയുടെ ഒരു ഭാഗം ഇടിഞ്ഞ് വിനോദസഞ്ചാരികൾ സഞ്ചരിച്ച വാഹനത്തിന് മുകളിലേക്ക് വീഴുകയായിരുന്നു.
മണ്ണിടിച്ചിലിനെ തുടർന്ന് സംഗ്ലി താഴ്‌വരയിലെ ബട്സേരി പാലത്തിനും കേടുപാടുകൾ സംഭവിച്ചു. മാലയിൽ നിന്നും കൂറ്റൻ പാറകൾ താഴേക്ക് പതിച്ചാണ് പാലം തകർന്നത്. സംഭവത്തിന്റെ വീഡിയോ ദൃശ്യങ്ങൾ സാമൂഹ്യ മാദ്ധ്യമങ്ങളിൽ വ്യാപകമായി പ്രചരിക്കുന്നുണ്ട്. നിരവധി പേർ മണ്ണിനടിയിൽ കുടുങ്ങി കിടപ്പുണ്ടെന്നാണ് വിവരം. പ്രദേശത്ത് രക്ഷാ പ്രവർത്തനം പുരോഗമിക്കുന്നുണ്ട്.
Post Your Comments