‘കേരളത്തിൽ വ്യാപാരികൾ കട തുറന്നാൽ അവരെ നേരിടേണ്ട രീതിയിൽ നേരിടും, കളിക്കല്ലേ പൊന്നുമക്കളേ’: ശ്രീജിത്ത് പണിക്കർ

പാലക്കാട്: കടകൾ തുറന്നു പ്രവർത്തിക്കാൻ അനുവദിക്കണമെന്ന് ആവശ്യപ്പെട്ട് വ്യാപാരികൾ നടത്തുന്ന പ്രതിഷേധം അതിരുവിട്ടാൽ നേരിടുമെന്ന മുഖ്യമന്ത്രിയുടെ പ്രസ്താവനയെ പരിഹസിച്ച് രാഷ്ട്രീയ നിരീക്ഷകൻ ശ്രീജിത്ത് പണിക്കർ രംഗത്ത്.

‘എനക്കാ കാര്യത്തിൽ ഒന്നേ പറയാനുള്ളൂ. അവരുടെ വികാരം മനസ്സിലാക്കാൻ കഴിയും. അതിനൊപ്പം നിൽക്കുന്നതിനും വിഷമമില്ല. പക്ഷേ മറ്റൊരു രീതിയിൽ തുടങ്ങിയാൽ അതിനെ സാധാരണ ഗതിയിൽ നേരിടേണ്ട രീതിയിൽ നേരിടും. അതു മനസ്സിലാക്കി കളിച്ചാൽ മതി. അത്രയേ പറയാനുള്ളൂ’. എന്നായിരുന്നു മുഖ്യമന്ത്രി പറഞ്ഞത്. ഇതിനെതിരെ പരിഹാസമായി,

‘കോവിഡ് പ്രോട്ടോക്കോൾ ലംഘിച്ച് ഡൽഹിയിൽ കർഷകർ സമരം ചെയ്യുന്നതിനെ ഞാൻ പിന്തുണയ്ക്കുന്നു. എന്ന് കരുതി കോവിഡ് പ്രോട്ടോക്കോൾ ലംഘിച്ച് കേരളത്തിൽ വ്യാപാരികൾ കട തുറന്നാൽ അവരെ നേരിടേണ്ട രീതിയിൽ നേരിടും കളിക്കല്ലേ പൊന്നുമക്കളേ’ എന്ന് ശ്രീജിത്ത് പറയുന്നു.

ശ്രീജിത്ത് പണിക്കരുടെ ഫേസ്ബുക്ക് പോസ്റ്റിന്റെ പൂർണ്ണരൂപം;

‘എന്റെ പൊന്നുമക്കളേ, കോവിഡ് പ്രോട്ടോക്കോൾ ലംഘിച്ച് ഡൽഹിയിൽ കർഷകർ സമരം ചെയ്യുന്നതിനെ ഞാൻ പിന്തുണയ്ക്കുന്നു. എന്നുകരുതി കോവിഡ് പ്രോട്ടോക്കോൾ ലംഘിച്ച് കേരളത്തിൽ വ്യാപാരികൾ കട തുറന്നാൽ അവരെ നേരിടേണ്ട രീതിയിൽ നേരിടും. കളിക്കല്ലേ പൊന്നുമക്കളേ… Don’t play boys, don’t play…’