തിരുവനന്തപുരം: കോവിഡിന്റെ പശ്ചാത്തലത്തില്‍ ജില്ലയിലെ എല്ലാ പൊതുശ്മശാനങ്ങളും 24 മണിക്കൂറും പ്രവര്‍ത്തിക്കണമെന്നു ജില്ലാ കളക്ടര്‍ ഡോ. നവ്‌ജ്യോത് ഖോസ അറിയിച്ചു. ഇതിനായി തദ്ദേശ സ്വയംഭരണ സ്ഥാപനങ്ങളിലെ ജീവനക്കാരെ ഷിഫ്റ്റ് അടിസ്ഥാനത്തില്‍ ചുമതലപ്പെടുത്തണമെന്നും ഉത്തരവിട്ടു.
Read Also : കോവിഡ് ബാധിച്ച് തൊഴുത്തില്‍ കഴിഞ്ഞിരുന്ന യുവാവ് മരണത്തിന് കീഴടങ്ങി, സംഭവം കേരളത്തില്‍
പഞ്ചായത്തിനു കീഴില്‍വരുന്ന ഓരോ ശ്മശാനത്തിനും ഒരു നോഡല്‍ ഓഫീസറെ ബന്ധപ്പെട്ട പഞ്ചായത്ത് നിയമിക്കണം. ശ്മശാനങ്ങള്‍ക്കു പൊതു ഹോട്ട്‌ലൈന്‍ നമ്പര്‍ ഉണ്ടായിരിക്കണം. മൃതദേഹങ്ങള്‍ സംസ്‌കരിക്കുന്നതിനു സമയക്രമം അനുവദിച്ച് ടോക്കണ്‍ നല്‍കുന്നതിനു പഞ്ചായത്തില്‍ ഹെല്‍പ് ഡെസ്‌ക് ആരംഭിക്കണം. ഇലക്ട്രിക്, ഗ്യാസ് ശ്മശാനങ്ങള്‍ പ്രവര്‍ത്തിപ്പിക്കുന്ന അവസരത്തില്‍ ഉണ്ടായേക്കാവുന്ന തകരാറുകള്‍ പരിഹരിക്കുന്നതിന് ഒരു സാങ്കേതിക സംഘവുമായി അതത് പഞ്ചായത്തുകള്‍ക്കു ബന്ധമുണ്ടായിരിക്കണം.
ജില്ലയിലെ പൊതു ശ്മശാനങ്ങളുടെ പ്രവര്‍ത്തനം ഏകോപിപ്പിക്കുന്നതിനായി കളക്ടറേറ്റിലെ വാര്‍ റൂമില്‍ പ്രത്യേക നോഡല്‍ ഓഫിസറെ ചുമതലപ്പെടുത്തി. ഏതെങ്കിലും പഞ്ചായത്തില്‍ പൊതുശ്മശാനം ഒഴിവില്ലെങ്കില്‍ 0471-2731337, 2731347 എന്ന വാര്‍ റൂം നമ്പറുമായി ബന്ധപ്പെടണമെന്നും കളക്ടറുടെ ഉത്തരവില്‍ പറയുന്നു.
Post Your Comments