നടനും ബിഗ് ബോസ് താരവുമായ ഡാനിയേല്‍ ആനി പോപ്പിനെതിരേ ലൈംഗികാരോപണം. സമൂഹമാധ്യമങ്ങളിലൂടെ പ്രായപൂര്‍ത്തിയാവാത്ത പെണ്‍കുട്ടികള്‍ക്ക് ഡാനിയേല്‍ ആശ്ലീല സന്ദേശങ്ങൾ അയച്ചുവെന്നും, ദുരുദ്ദേശപരമായി ചിത്രങ്ങൾ അയച്ചു തരണമെന്ന് ആവശ്യപ്പെട്ടെന്നുമാണ് ആരോപണം.
സ്‌കൂള്‍ വിദ്യാര്‍ഥിനിയായ പെണ്‍കുട്ടിയോടാണ് താരം ചിത്രങ്ങള്‍ അയച്ചു തരാന്‍ ആവശ്യപ്പെത്. എന്നാല്‍ പെണ്‍കുട്ടി ഇത് അനുസരിക്കാൻ തയ്യാറായില്ല. തുടർന്ന് പെണ്‍കുട്ടി മറ്റുള്ളവരോട് ഇക്കാര്യം പറയുകയും ചെയ്തു ഇതോടെയാണ് സംഭവം പുറത്തറിഞ്ഞത്.
ജേസണ്‍ സാമുവല്‍ എന്നൊരാളും നടനെതിരേ പരാതിയുമായി രംഗത്തെത്തി. നടന്റെ പ്രവൃത്തി ഓണ്‍ലൈനില്‍ ഒതുങ്ങി നില്‍ക്കുന്നില്ലെന്നും ഒരുപാട് പെണ്‍കുട്ടികള്‍ ഇയാളുടെ പീഡനത്തിന് ഇരയായിട്ടുണ്ടെന്നും അവരോട് സംസാരിച്ചുവെന്നും ജേസണ്‍ സാമുവല്‍ പറയുന്നു. ഈ വിഷയവുമായി ബന്ധപ്പെട്ട് ഗായിക ചിന്‍മയി ശ്രീപാദ അടക്കം ഒട്ടനവധിപേര്‍ പ്രതികരണവുമായി രംഗത്ത് വന്നിട്ടുണ്ട്.
Post Your Comments