സ്പാനിഷ് ലീഗിൽ അത്ലാന്റിക്കോ മാഡ്രിഡിനെ അട്ടിമറിച്ച് സെവിയ്യ. മറുപടിയില്ലാത്ത ഒരു ഗോളിനാണ് സെവിയ്യയുടെ ജയം. രണ്ടാം പകുതിയിൽ നിശ്ചിത സമയത്ത് കളി അവസാനിക്കാൻ 20 മിനുട്ട് ശേഷിക്കെ സെവിയ്യക്കായി മാർക്കസ് അക്യുണിയോ അത്ലാന്റിക്കോ മാഡ്രിഡിന്റെ വല കുലുക്കി. ലാ ലീഗയിൽ പട്ടികയിൽ ഒന്നാം സ്ഥാനക്കാരായ അത്ലാന്റിക്കോ മാഡ്രിഡിന് തിരിച്ചടിയായിരിക്കുകയാണ്. 29 മത്സരങ്ങളിൽ നിന്ന് 66 പോയിന്റാണ് അത്ലാന്റിക്കോ മാഡ്രിഡിനുള്ളത്.
ഒരു മത്സരം കുറവ് കളിച്ച ബാഴ്സിലോണയ്ക്ക്(62) അടുത്ത മത്സരം ജയിച്ചാൽ ഒന്നാസ്ഥാനക്കാരുമായുള്ള പോയിന്റ് അകലം ഒന്നായി കുറക്കാൻ സാധിക്കും. 29 മത്സരങ്ങളിൽ നിന്ന് 63 പോയിന്റുള്ള റയൽ മാഡ്രിഡാണ് പട്ടികയിൽ രണ്ടാമത്. ഇതോടെ ലീഗിലെ ഈ സീസണിൽ കിരീടപ്പോരാട്ടം കനക്കും. കപ്പിനായുള്ള പോരാട്ടത്തിൽ അത്ലാന്റിക്കോ മാഡ്രിഡിനെ കൂടാതെ നിലവിലെ ചാമ്പ്യന്മാരായ റയലും ബാഴ്‌സയുമാണുള്ളത്.
Post Your Comments