പാലക്കാട്: പാലക്കാട് എൻ ഡി എ സ്ഥാനാർത്ഥി മെട്രോമാൻ ഇ. ശ്രീധരനെ പുകഴ്ത്തി പ്രധാനമന്ത്രി നരേന്ദ്ര മോദി. ഇ. ശ്രീധരൻ കേരളത്തിൻ്റെ അഭിമാന പുത്രനാണെന്ന് പറഞ്ഞ നരേന്ദ്ര മോദി അദ്ദേഹം ലോകത്തിന് മുന്നിൽ ഒരു പ്രചോദനമാണെന്നും കൂട്ടിച്ചേർത്തു. തെരഞ്ഞെടുപ്പ് പ്രചരണാർത്ഥം പാലക്കാട് എത്തിയതായിരുന്നു അദ്ദേഹം. പ്രചരണവേദിയിൽ ആയിരങ്ങളെ അഭിസംബോധന ചെയ്ത് സംസാരിക്കുകയായിരുന്നു പ്രധാനമന്ത്രി.
‘കേരളത്തിൽ ഇതുവരെ ഉണ്ടായിരുന്ന എൽ ഡി എഫ് – യു ഡി എഫ് ഫിക്സഡ് ഭരണത്തെ ജനങ്ങൾ ഇക്കുറി എതിർക്കും. യുവവോട്ടർമാർ എൽ ഡി എഫിലും യു ഡി എഫിലും നിരാശരാണ്. ഇരുമുന്നണികളും പയറ്റുന്നത് വോട്ട് ബാങ്ക് രാഷ്ട്രീയമാണ്. കേരള വികസനത്തിന് ഇരു മുന്നണികളും തടസം നിന്നു.’ – പ്രധാനമന്ത്രി ആരോപിച്ചു.
Post Your Comments