കോഴിക്കോട്: ബാലുശേരിയിലെ യുഡിഎഫ് സ്ഥാനാർത്ഥി ധര്‍മജൻ ബോൾഗാട്ടിക്ക് വമ്പൻ സ്വീകരണം നൽകി പ്രവർത്തകരും നാട്ടുകാരും. പ്രചരണത്തിൻ്റെ ഭാഗമായി ബാലുശേരിയിലെത്തിയ ധർമജന് ലഭിച്ച സ്വീകരണം കണ്ട് അമ്പരന്ന് രമേഷ് പിഷാരടി. ആത്മ സുഹൃത്തായ ധർമ്മജന് വോട്ട് ചെയ്യണമെന്ന് ആവശ്യപ്പെട്ട് പിഷാരടിയും മുന്നിൽ തന്നെയുണ്ട്.
ജീപ്പിന് മുന്നിലും പുറകിലുമായി നൂറിലധികം പ്രവര്‍ത്തകരുടെ ബൈക് റാലി. ഇരുവരെയും കാണാന്‍ റോഡിനിരുവശവും വീട്ടമ്മമാര്‍ അടക്കം തടിച്ചു കൂടി. പ്രമുഖ നേതാക്കളെല്ലാം പങ്കെടുത്ത കണ്‍വെന്‍ഷന്‍ ഹാളും നിറഞ്ഞു കവിഞ്ഞു. തുറന്ന ജീപ്പില്‍ സുഹൃത്ത് രമേഷ് പിഷാരടിക്കൊപ്പമാണ് ധർമജൻ പ്രചരണത്തിനായി മണ്ഡലത്തിലെത്തിയത്.
Also Read:പിണറായിയുടെ പ്രവർത്തനങ്ങളെ മാത്രമേ ഞാൻ വിലയിരുത്തുന്നുള്ളൂ. അതിൽ നല്ലതും ചീത്തയുമുണ്ടാകും
ആത്മവിശ്വാസം കൂടിയെന്ന് ധർമജൻ പറഞ്ഞു. ഇന്ത്യ തിരിച്ച് പിടിക്കുക എന്ന ഉദ്ദേശമാണ് കോൺഗ്രസിനുള്ളതെന്ന് ധർമജൻ കഴിഞ്ഞ ദിവസം വ്യക്തമാക്കിയിരുന്നു. കോൺഗ്രസിന് മാത്രമേ ഇന്ത്യയെ ശക്തിപ്പെടുത്താനും ശരിയായ ദിശയിൽ നടത്താനും സാധിക്കുകയുള്ളുവെന്നായിരുന്നു ധർമജൻ്റെ പ്രതികരണം. അതേസമയം, ഇത്ര വലിയ സ്വീകരണം പ്രതീക്ഷിച്ചില്ലെന്ന് രമേഷ് പിഷാരടിയും പറഞ്ഞു.
Post Your Comments