ഒടുവിൽ ജീവിതത്തിലെ പാർട്ണറെ കണ്ടെത്തി അഫ്രീദി

ക്രിക്കെറ്റ് ഇഷ്ടപ്പെടുന്ന ഏതൊരാൾക്കും ഇഷ്ടപ്പെട്ട കളിക്കാരനാണ് ഷാഹിൻ അഫ്രീദി. മുന്‍ പാക് നായകന്‍ ഷാഹിദ് അഫ്രീദിയുടെ മകള്‍ അക്സ അഫ്രീദിയെയാണ് ഷഹീന്‍ അഫ്രീദി വിവാഹം കഴിക്കുക എന്നാണ് റിപ്പോര്‍ട്ട്. വിവാഹ ആലോചനയുമായി ഷഹീന്‍ അഫ്രീദിയുടെ കുടുംബം തന്‍റെ കുടുംബത്തെ സമീപിച്ചുവെന്ന് ഷാഹിദ് അഫ്രീദി ട്വിറ്ററില്‍ സ്ഥിരീകരിച്ചിരുന്നു. ഇരു കുടുംബങ്ങളും കൂടിയാലോചനകള്‍ തുടരുകയാണെന്നും അഫ്രീദി പറഞ്ഞു. ദൈവത്തിന്‍റെ ആഗ്രഹം അതാണെങ്കില്‍ വിവാഹം നടക്കുമെന്നും ഷഹീന്‍റെ കരിയറില്‍ എല്ലാ വിജയങ്ങളം ഉണ്ടാവാന്‍ പ്രാര്‍ത്ഥിക്കുന്നുവെന്നും അഫ്രീദി കുറിച്ചു.
രണ്ടുപേരുടെയും രുടെയും വിവാഹനിശ്ചയം വൈകാതെ തന്ന നടക്കുമെന്നാണ് സൂചന.

Also Read:താൽക്കാലിക ജീവനക്കാരുടെ സ്ഥിരപ്പെടുത്തലുകൾക്ക് വിലക്കുമായി ഹൈക്കോടതി

വരന്റെ പിതാവ് അയാസ് ഖാനും വാര്‍ത്ത സ്ഥിരീകരിച്ചിട്ടുണ്ട്. കഴിഞ്ഞ കുറച്ച്‌ മാസങ്ങളായി ഇതുമായി ബന്ധപ്പെട്ട് ആലോചനകളും മറ്റും നടന്നുവെന്നും സന്തോഷവാര്‍ത്ത പുറംലോകത്തെ അറിയിക്കാനുള്ള സമയം ഇതാണെന്നും അദ്ദേഹം പറഞ്ഞു. ഈയടുത്ത് നടന്ന പാകിസ്ഥാന്‍ സൂപ്പര്‍ ലീഗില്‍ ഷഹീന്‍ അഫ്രീദിയും ഷാഹിദ് അഫ്രീദിയും കളിച്ചിരുന്നു. പാക് സൂപ്പര്‍ ലീഗില്‍ ലാഹോര്‍ ക്യുലാന്‍ഡേഴ്സ് താരമാണ് ഷഹീന്‍ അഫ്രീദി. മുള്‍ട്ടാന്‍ സുല്‍ത്താന്‍സിനുവേണ്ടിയാണ് അഫ്രീദി പാക് സൂപ്പര്‍ ലിഗില്‍ കളിക്കുന്നത്.

ഇടങ്കയ്യന്‍ പേസറായ ഷഹീന്‍ അഫ്രീദി 2018ല്‍ വെസ്റ്റ് ഇന്‍ഡീസിനെതിരെ ആണ് പാക് ടീമില്‍ അരങ്ങേറിയത്. 15 ടെസ്റ്റ് മത്സരങ്ങളില്‍ നിന്ന് 48 വിക്കറ്റും 21 ഏകദിനങ്ങളില്‍ നിന്ന് 45 വിക്കറ്റും 22 ടി20 മത്സരങ്ങളില്‍ നിന്ന് 24 വിക്കറ്റും നേടിയിട്ടുണ്ട്. യുവതാരങ്ങളിൽ പാക് ടീമിന്റെ തന്നെ ഏറ്റവും നല്ല കളിക്കാരിൽ ഒരാളാണ് ഷഹീൻ