ആഴിമലയിൽ കുളിക്കാനിറങ്ങിയ രണ്ടു പേർ തിരയിൽപ്പെട്ടു; ഒരാളുടെ മൃതദേഹം കണ്ടെത്തി

ആഴിമലയിൽ കടലിൽ കുളിക്കുന്നതിനിടയിൽ കാണാതായ സുഹൃത്തുക്കളിൽ ഒരാളുടെ മൃതദേഹം കണ്ടെത്തി. പേയാട് സ്വദേശി പ്രശാന്ത് കുമാറിന്റെ മൃതദേഹമാണ് കണ്ടെത്തിയത്.

രാവിലെ 7 മണിക്കായിരുന്നു സംഭവം. പ്രശാന്തും സുഹൃത്തും കടലിൽ കുളിക്കുന്നതിനിടയിൽ തിരയിൽപ്പെടുകയായിരുന്നു. ഇരുവരും തിരയിൽപ്പെടുന്നത് മത്സ്യത്തൊഴിലാളികൾ കണ്ടെങ്കിലും പാറയുള്ള മേഖലയായതിനാൽ ഇരുവരെയും പെട്ടെന്ന് രക്ഷിക്കാൻ കഴിഞ്ഞില്ല. തുടർന്ന് മത്സ്യത്തൊഴിലാളികളും കോസ്റ്റൽ പൊലീസും നടത്തിയ പരിശോധനയിലാണ് പ്രശാന്തിന്റെ മൃതദേഹം കണ്ടെത്തിയത്.