അമേരിക്കന്‍ മുന്‍ പ്രസിഡന്റ് ഡോണള്‍ഡ് ട്രംപിനെതിരായ ഇംപീച്ച്മെന്റ് പ്രമേയം സെനറ്റില്‍ പരാജയപ്പെട്ടു. ജനുവരി ആറിലെ കാപിറ്റോള്‍ ആക്രമണത്തിനായിരുന്നു ഇംപീച്ച്മെന്റ്. അഞ്ചുദിവസം നീണ്ടു നിന്ന കുറ്റ വിചാരണയ്ക്കൊടുവിലായിരുന്നു വോട്ടെടുപ്പ്. നിരവധി റിപ്പബ്ലിക്കന്‍ സെനറ്റ് അംഗങ്ങളും ട്രംപിനെ പിന്തുണച്ചുവെന്നാണ് റിപ്പോര്‍ട്ട്. 43നെതിരെ 57 വോട്ടുകള്‍ക്കാണ് പ്രമേയം പരാജയപ്പെട്ടത്.
”ഇംപീച്ച്മെന്റ് രാഷ്ട്രീയ പ്രേരിതമാണ്. കേസ് തെളിയിക്കാന്‍ ആവശ്യമായതൊന്നും തന്നെയില്ല” -ട്രംപിന്ററെ അഭിഭാഷകന്‍ ബ്രൂസ് കാസ്റ്റര്‍ പറഞ്ഞു.വിപ്ലവമെന്നാല്‍ ഒരു രാജ്യത്തെയോ സര്‍ക്കാറിനെയോ അട്ടിമറിച്ച്‌ അധികാരം പിടിക്കുന്നതാണ്. കാപിറ്റല്‍ ഹില്ലില്‍ അതല്ല നടന്നത്. ജനുവരി ആറിലെ അക്രമസംഭവങ്ങള്‍ മുന്‍കൂട്ടി നിശ്ചയിച്ചതാണെന്നും കാസ്റ്റര്‍ വാദിച്ചു. നാലു മണിക്കൂറോളമെടുത്താണ് ട്രംപിന്റെ അഭിഭാഷകര്‍ പ്രതിവാദം അവതരിപ്പിച്ചത്.
കാപിറ്റോള്‍ കലാപത്തിന് പ്രേരിപ്പിച്ചുവെന്ന കുറ്റത്തില്‍അമേരിക്കന്‍ മുന്‍ പ്രസിഡന്റ് ഡൊണാള്‍ഡ് ട്രംപ് കുറ്റവിമുക്തന്‍. കുറ്റക്കാരന്‍ ആണോ എന്ന് വിധിക്കാനുള്ള സെനറ്റ് വിചാരണ ഇന്ത്യന്‍ സമയം ഞായറാഴ്ച പുലര്‍ച്ചെ രണ്ടരയോടെയാണ് പൂര്‍ത്തിയായത്. പ്രമേയത്തെ 43 പേര്‍ അനുകൂലിച്ചെങ്കിലും മൂന്നില്‍ രണ്ട് ഭൂരിപക്ഷം ലഭിക്കാത്തതിനാല്‍ കുറ്റക്കാരനെന്ന് വിധിക്കാനായില്ല.
കുറ്റം ചുമത്തി ശിക്ഷവിധിക്കാന്‍ സെനറ്റ് മൂന്നില്‍ രണ്ടു ഭൂരിപക്ഷമായ 67 വോട്ട് വേണമായിരുന്നു. എന്നാല്‍ 7 റിപ്പബ്ലിക്കന്‍ അംഗങ്ങള്‍ കുറ്റം ചുമത്താന്‍ അനുകൂലിച്ചു വോട്ടു ചെയ്തതു ശ്രദ്ധേയമായി. പാര്‍ലമെന്റ് മന്ദിരത്തിനുനേരെ നടത്തിയതിന് കാരണക്കാരന്‍ ട്രംപാണെന്ന ആരോപണമാണ് 5 ദിവസം നീണ്ട കുറ്റവിചാരണയ്ക്ക് ശേഷം സെനറ്റ് തള്ളിയത്. – ഇത് രണ്ടാം തവണയാണ് സെനറ്റ് ട്രംപിനെ കുറ്റവിമുക്തനാക്കുന്നത്.
Post Your Comments