ഭര്‍ത്താവിനെ കൊലപ്പെടുത്തിയാലും ഭാര്യ കുടുംബ പെന്ഷന് അര്‍ഹയാണെന്ന വിചിത്ര ഉത്തരവുമായി പഞ്ചാബ്‌ – ഹരിയാന ഹൈക്കോടതി. സര്‍ക്കാര്‍ ഉദ്യോഗസ്ഥർ മരണമടയുമ്പോൾ അവരുടെ കുടുംബത്തിന്‌ ഒരു കൈതാങ്ങാകാനാണ്‌ ഫാമിലി പെന്ഷന് സര്‍ക്കാര്‍ അനുവദിച്ചിരിക്കുന്നത്‌. ഭാര്യ ക്രിമിനല്‍ കേസില്‍ ഉള്‍പ്പെട്ടാലും കുടുംബ പെന്‍ഷൻ നല്‍കണമെന്ന് കോടതി ഉത്തരവിറക്കി.
ഭര്‍ത്താവിനെ കൊന്നതിന്‌ ജയിലില്‍ കഴിയുന്ന ബാല്‍ജീത്‌ കൗര്‍ എന്ന യുവതി നല്‍കിയ ഹര്‍ജിയിലാണ്‌ കോടതിയുടെ ഈ വിചിത്ര ഉത്തരവ്. 2008ല്‍ ബാല്‍ജീതിൻറ്റെ ഭര്‍ത്താവ്‌ ആകസ്‌മികമായി മരണമടഞ്ഞു. എന്നാലിത്‌ കൊലപാതകമാണെന്ന്‌ അന്വേഷണത്തിൽ തെളിഞ്ഞപ്പോൾ പൊലീസ്‌ ബാല്‍ജിതെ 2009ല്‍ അറസ്റ്റ്‌ ചെയ്തു. തുടര്‍ന്ന്‌ 2011 മുതല്‍ ബാല്‍ജിത്‌ കൗര്‍ കേസില്‍ ശിക്ഷ അനുഭവിക്കുകയാണ്‌.
ജയിലിലായതോടെ 2011 മുതല്‍ ബാല്‍ജീതിന്‌ കുടുംബ പെന്ഷന് നല്‍കുന്നത്‌ ഹരിയാന സര്‍ക്കാര്‍ നിര്‍ത്തിവെച്ചിരുന്നു. രണ്ടു മാസത്തിനുളളില്‍ മുഴുവന്‍ തുകയും ബാല്‍ജീതിന്‌ നല്‍കാന്‍ രാജസ്ഥാന്‍ സര്‍ക്കാരിനോട്‌ കോടതി നിര്‍ദേശിച്ചിട്ടുണ്ട്.
Read Also: തീപിടുത്തം ; വീട് പൂർണ്ണമായും കത്തിനശിച്ചു
പെന്ഷന് റൂള്‍ ( 1972 ) പ്രകാരം ബാല്‍ജീത്‌ പെന്ഷന് അര്‍ഹയാണെന്നും, യുവതിയുടെ പുനര്‍വിവാഹം കഴിയുന്നതുവരെ പെന്ഷന് നല്‍കാന്‍ സര്‍ക്കാർ ബാധ്യസ്ഥരാണെന്നും ഹൈക്കോടതി വ്യക്തമാക്കി.
Post Your Comments