മിന്നലിൽ കനത്ത നാശം ; ജനൽച്ചില്ല് പൊട്ടിത്തെറിച്ച് ഒരാൾക്ക് പരിക്ക്

വടകര: കഴിഞ്ഞ ദിവസമുണ്ടായ മിന്നലിൽ വീടിന്റെ ജനൽച്ചില്ല് പൊട്ടിത്തെറിച്ച് ഒരാൾക്ക് പരിക്ക്. പരിക്കേറ്റ മിനീഷിനെ വടകര സഹകരണ ആശുപത്രിയിൽ പ്രവേശിപ്പിച്ചു.

വടകരയിൽ കനത്ത നാശമാണ് മിന്നലിനെ തുടർന്ന് ഉണ്ടായത്. തിരുവള്ളൂരിൽ നാലുംപുതുപ്പണത്ത് വീടിനു നാശനഷ്ടമുണ്ടായി. താലൂക്ക് ഓഫിസിലെ ഒന്നര ലക്ഷം രൂപ വിലയുള്ള യുപിഎസ് നശിച്ചു.

പൊന്നാരങ്കണ്ടി ജാനു, നിരയി‌‍ൽ ലീല, നിരയിൽ ജാനു എന്നിവരുടെ വീട്ടിലും വയറിങ്ങും ചുമരുകളും തകർന്നു. പുതുപ്പണം അരവിന്ദഘോഷ് റോഡിലെ സന്ധ്യ നിവാസിൽ രാജഗോപാലിന്റെ വീട്ടിലെ വയറിങ്ങും ചുവരുകളും വൈദ്യുതി മീറ്ററും മെയിൻ സ്വിച്ചും തകർന്ന അവസ്ഥയിലാണ്.തിരുവള്ളൂരിലും മിന്നലിൽ കനത്ത നാശനഷ്ടമാണ് ഉണ്ടായത്.