മുംബൈ: ഒരാഴ്ച മുന്‍പ് മുംബൈ മാല്‍വാനിയിലെ അക്സ ബീച്ചില്‍ ഒരു സ്ത്രീയുടെ മൃതദേഹം പ്ലാസ്റ്റിക് ബാഗില്‍ പൊതിഞ്ഞ നിലയില്‍ കണ്ടെത്തുകയുണ്ടായി. കേസുമായി ബന്ധപ്പെട്ട് നടത്തിയ അന്വേഷണത്തില്‍ കൊല്ലപ്പെട്ട സ്ത്രീയുടെ ഭര്‍ത്താവിന്റെ പിതാവിനെ പൊലീസ് അറസ്റ്റ് ചെയ്തിരിക്കുന്നു. തന്റെ മകന്‍ ഈ സ്ത്രീയെ വിവാഹം കഴിച്ചതില്‍ ഇയാള്‍ അസന്തുഷ്ടനായിരുന്നു എന്നാണ് അറിയാൻ കഴിഞ്ഞത്. സ്ത്രീയുടെ സ്വഭാവത്തില്‍ ഉണ്ടായ സംശയങ്ങളാണ് കൊലപാതകത്തിലേക്ക് കൊണ്ടെത്തിക്കുകയുണ്ടായത്.
കൊല്ലപ്പെട്ട യുവതിയുടെ അമ്മായി അച്ഛനെ കൂടാതെ കുറ്റകൃത്യം നടത്താന്‍ സഹായിച്ച രണ്ടുപേരെ കൂടി പൊലീസ് പിടികൂടി. നന്ദിനി എന്ന യുവതിയാണ് കൊല്ലപ്പെട്ടത്. മൂന്നു വര്‍ഷം മുൻപാണ് നന്ദിനിയും പങ്കജും വിവാഹിതരായത്. പ്രണയവിവാഹമായിരുന്നു ഇരുവരുടേതും. എന്നാല്‍ അതേസമയം, പങ്കജിന്റെ പിതാവ് കമല്‍ റായിക്ക് നന്ദിനിയെ ഇഷ്ടമായിരുന്നില്ല. അതിനാല്‍ തന്നെ ഈ വിവാഹത്തില്‍ അതൃപ്തി ഉണ്ടായിരുന്നു ഇയാൾ. കൂടാതെ, നന്ദിനിയുടെ സ്വഭാവത്തെ ഇയാള്‍ സംശയിക്കുകയും ചെയ്തിരുന്നു.
ഡിസംബര്‍ ഒമ്ബതിന് കമലും രണ്ട് സുഹൃത്തുക്കളും ചേര്‍ന്ന് ഉറങ്ങിക്കിടന്ന നന്ദിനിയുടെ കൈ-കാലുകള്‍ ബന്ധിക്കുകയുണ്ടായി. തലയണ കൊണ്ട് ശ്വാസം മുട്ടിച്ചു. തുടര്‍ന്ന് മൂന്ന് പ്രതികളും ചേര്‍ന്ന് അവളുടെ ശരീരം ഒരു പ്ലാസ്റ്റിക് ബാഗിനുള്ളിലാക്കി ഉപേക്ഷിക്കുകയായിരുന്നു ഉണ്ടായത്. ഡിസംബര്‍ 24ന് പ്ലാസ്റ്റിക് ബാഗില്‍ പൊതിഞ്ഞ മൃതദേഹം അക്സ ബീച്ചിലെത്തിക്കുകയുണ്ടായി. കടല്‍ത്തീരത്ത് മൃതദേഹം കണ്ടെത്തിയ ആൾ പൊലീസില്‍ വിവരം അറിയിക്കുകയായിരുന്നു ഉണ്ടായത്.
Post Your Comments