ന്യൂഡല്‍ഹി: വിവാഹത്തിന് സമ്മതം നല്‍കാത്തതിൽ പ്രകോപിതനായ യുവാവ് കാമുകിയുടെ അച്ഛനെ കൊന്നു. ഡല്‍ഹിയിലാണ് ഞെട്ടിക്കുന്ന ക്രൂര സംഭവം നടന്നിരിക്കുന്നത്. കൊലപാതകവുമായി ബന്ധപ്പെട്ട് 25 കാരനായ സൂരജ് കുമാറിനെ പോലീസ് അറസ്റ്റ് ചെയ്തിരിക്കുന്നത്. കഴിഞ്ഞ ദിവസമാണ് 50 കാരനായ ബിജേന്ദര്‍ സിംഗിന്റെ മൃതദേഹം പോലീസ് കണ്ടെടുക്കുകയുണ്ടായത്. മൃതദേഹത്തില്‍ ആഴമേറിയ മുറിവുകള്‍ ഉണ്ടായിരുന്നു. തുടര്‍ന്ന് നടത്തിയ അന്വേഷണമാണ് സൂരജിലേക്ക് പോലീസിനെ എത്തിക്കാൻ ഇടയാക്കിയത്.
വിവാഹത്തിന് വേണ്ടി പല തവണ സൂരജ് ബിജേന്ദര്‍ സിംഗിനോട് അനുമതി ചോദിച്ചുവെങ്കിലും ബിജേന്ദര്‍ സിംഗ് ശക്തമായി എതിര്‍ക്കുകയായിരുന്നു ഉണ്ടായത്. ബിജേന്ദര്‍ സിംഗിന്റെ വളര്‍ത്തുമകളാണ് യുവാവിന്റെ കാമുകി. സൂരജുമായുള്ള പ്രണയബന്ധത്തില്‍ നിന്ന് പിന്മാറില്ലെന്ന് പെണ്‍കുട്ടി നിലപാടെടുത്തതോടെ മകളെ യഥാര്‍ത്ഥ മാതാപിതാക്കളുടെ അടുത്തേക്ക് ബിജേന്ദര്‍ സിംഗ് പറഞ്ഞയക്കുകയുണ്ടായി. അന്ന് മുതല്‍ സൂരജ് കുമാര്‍ ബിജേന്ദറിനെ പിന്തുടരുകയായിരുന്നു ഉണ്ടായത്. സംഭവ ദിവസം ബിജേന്ദര്‍ സിംഗിന്റെ വീട്ടില്‍ സൂരജ് അതിക്രമിച്ച്‌ കയറി തലയില്‍ കത്തി വച്ച്‌ കുത്തി. തുടര്‍ന്ന് പ്രഷര്‍ കുക്കര്‍ കൊണ്ട് തലയ്ക്കടിച്ച് മരണം ഉറപ്പാക്കി .
Post Your Comments