ഭോപ്പാല്‍: ബിജെപിയിലേക്ക് മാറിയ മുന്‍ വനിതാ സഹപ്രവര്‍ത്തകയെ മോശമായി ചിത്രീകരിച്ച കോണ്‍ഗ്രസ് മുതിര്‍ന്ന നേതാവും മധ്യപ്രദേശ് മുന്‍ മുഖ്യമന്ത്രിയുമായ കമല്‍നാഥിനെതിരെ തെരഞ്ഞെടുപ്പ് കമ്മീഷന് പരാതി നല്‍കി ബിജെപി. മുന്‍ കോണ്‍ഗ്രസി പ്രവര്‍ത്തകയായ ഇമാര്‍തി ദേവിയെ ‘ഐറ്റം’ എന്നു വിളിക്കുന്ന വീഡിയോയാണ് ഇപ്പോള്‍ കമല്‍നാഥിനെതിരെ വിവാദത്തിന് ഇടയാക്കിയത്.
നവംബര്‍ 3 ന് 28 മധ്യപ്രദേശ് നിയമസഭാ സീറ്റുകളില്‍ ഉപതെരഞ്ഞെടുപ്പിനായി കമല്‍ നാഥ് പ്രചരണം നടത്തുകയായിരുന്നു. ബി.ജെ.പിയുടെ ഇമാര്‍തി ദേവിക്കെതിരെ കോണ്‍ഗ്രസ് രംഗത്തുവന്ന ദാബ്രയില്‍ നടന്ന വോട്ടെടുപ്പ് യോഗത്തില്‍ സംസാരിച്ച കമല്‍ നാഥ്, തന്റെ പാര്‍ട്ടി സ്ഥാനാര്‍ത്ഥി എതിരാളികളില്‍ നിന്ന് വ്യത്യസ്തമായി ഒരു ‘ഐറ്റം’ ആണ് എന്ന് പറഞ്ഞു.
#WATCH: Our candidate is not like her… what's her name? (people shout Imarti Devi, who is former State Minister) You know her better and should have warned me earlier… ye kya item hai: Former Madhya Pradesh CM & Congress leader Kamal Nath pic.twitter.com/eW76f2z8gU
— ANI (@ANI) October 18, 2020
‘ഞാനെന്തിനാണ് അവളുടെ പേര് എടുക്കേണ്ടത്? എന്നെക്കാള്‍ നന്നായി ആ വ്യക്തിയെ നിങ്ങള്‍ക്കെല്ലാവര്‍ക്കും അറിയാം. എന്തൊരു ഐറ്റമാണ്,’ ആള്‍ക്കൂട്ടത്തില്‍ നിന്നുള്ള ആഹ്ലാദത്തിനിടയിലാണ് കമല്‍നാഥ് പറഞ്ഞത്.
ഇതിനെതിരെ ബിജെപി നേതാക്കള്‍ രംഗത്തെത്തി. ‘ഇമാര്‍ട്ടി ദേവി ഒരു പാവപ്പെട്ട കര്‍ഷകന്റെ മകളാണ്’ എന്ന് പറഞ്ഞു. ഗ്രാമീണ തൊഴിലാളിയായി ആരംഭിച്ച ശേഷം പൊതുപ്രവര്‍ത്തകയായി ഉയര്‍ന്നു. ഒരു സ്ത്രീയെ ‘ഐറ്റം’ എന്ന് പരാമര്‍ശിക്കുന്നതിലൂടെ കോണ്‍ഗ്രസും അതിന്റെ നേതൃത്വവും അതിന്റെ ‘ഫ്യൂഡല്‍ മനോഭാവം’ വെളിപ്പെടുത്തി. മധ്യപ്രദേശ് മുഖ്യമന്ത്രി ശിവരാജ് സിംഗ് ചൗഹാന്‍ ട്വിറ്ററിലൂടെ പ്രതികരിച്ചു.
അതേസമയം, ബിജെപി പ്രതിനിധി സംഘം ഭോപ്പാലിലെ തിരഞ്ഞെടുപ്പ് കമ്മീഷന് ഉദ്യോഗസ്ഥരെ കാണുകയും സ്ത്രീകളെ അപമാനിച്ചതിന് കമല്‍നാഥിനെതിരെ പരാതിപ്പെടുകയും ചെയ്തു.ദേവിയും മറ്റ് 21 എംഎല്‍എമാരും ഈ വര്‍ഷം മാര്‍ച്ചിലാണ് കോണ്‍ഗ്രസില്‍ നിന്നും സംസ്ഥാന നിയമസഭയില്‍ നിന്നും രാജിവച്ച് ബിജെപിയില്‍ ചേര്‍ന്നത്.
Post Your Comments