തിരുവനന്തപുരം: തിരുവനന്തപുരത്തെ യു.എ.ഇ കോണ്‍സുലേറ്റ് താത്ക്കാലികമായി അടച്ചു. കോവിഡ് വ്യാപനം കാരണം താത്കാലികമായി അടയ്ക്കുന്നു എന്നാണ് വിശദീകരണം. കോവിഡ് വ്യാപനം കാരണം കോണ്‍സുലേറ്റിലേക്ക് വരണ്ട എന്ന് ജീവനക്കാർക്ക് നിർദേശം നൽകിയിട്ടുണ്ട്. സ്വര്‍ണ്ണക്കടത്തുമായി ബന്ധപ്പെട്ട വിവാദങ്ങളെത്തുടര്‍ന്ന് കോണ്‍സുലേറ്റ് ജനറല്‍ നേരത്തെ തന്നെ പോയിരുന്നു. നിലവില്‍ യു എ ഇയില്‍ നിന്നുള്ള ഒരു ഉദ്യോഗസ്ഥന്‍ മാത്രമാണ് ഇവിടെയുള്ളത്. സര്‍ട്ടിഫിക്കറ്റ് അറ്റസ്റ്റേഷന്‍ മാത്രമാണ് നിലവില്‍ കോണ്‍സുലേറ്റില്‍ നടത്തുന്നത്. കോവിഡ് വ്യാപനത്തെ തുടര്‍ന്ന് ഇത് രണ്ടാം തവണയാണ് യു എ ഇ കോണ്‍സുലേറ്റ് അടയ്ക്കുന്നത്.28 -ാം തീയതി തുറന്നതിന് പിന്നാലെയാണ് വീണ്ടും അടച്ചിരിക്കുന്നത്.
Post Your Comments