ന്യൂഡല്‍ഹി : പ്രധാനമന്ത്രി നരേന്ദ്ര മോദി മാലിന്യം നീക്കം ചെയ്യുന്നത് യാഥാര്‍ത്ഥ്യം , രാഹുലിന്റെ വീഴ്ച നാടകം .നരേന്ദ്രമോദിയ്ക്കെതിരെ വിമര്‍ശനവുമായി അഡ്വ. പ്രശാന്ത് ഭൂഷണ്‍. യുപിയിലെ ഹത്രാസ് സംഭവത്തിനു പിന്നാലെ ബിജെപിക്കും ആര്‍എസ്എസിനും മോദിക്കുമെതിരെ രൂക്ഷ വിമര്‍ശനങ്ങളും പരിഹാസവുമായിട്ടാണ് അഭിഭാഷകന്‍ പ്രശാന്ത് ഭൂഷണ്‍ രംഗത്ത് എത്തിയിരിക്കുന്നത്. ഹാത്രാസ് സംഭവത്തിന് പിന്നാലെ അദ്ദേഹം ട്വിറ്ററില്‍ പങ്കുവച്ച പോസ്റ്റുകള്‍ പ്രതിപക്ഷ പാര്‍ട്ടി നേതാക്കളടക്കം ചര്‍ച്ചയാക്കിയിരുന്നു. ഇപ്പോഴിതാ മോദിയെയും രാഹുലിന്റേയും ചിത്രങ്ങള്‍ പങ്കുവച്ച് പുതിയ ട്വീറ്റ് ഇട്ടിരിക്കുകയാണ് അദ്ദേഹം.
രാഹുല്‍ ഗാന്ധിയെ കയ്യേറ്റം ചെയ്ത സംഭവം രാജ്യമെങ്ങും ചര്‍ച്ചയായതോടെ ഇതെല്ലാം രാഹുലിന്റെ നാടകമാണെന്ന് ബിജെപി പ്രവര്‍ത്തകര്‍ പ്രചരിപ്പിച്ചിരുന്നു. ഇതിനുള്ള മറുപടിയാണ് പ്രശാന്ത് ഭൂഷണ്‍ പങ്കുവയ്ക്കുന്നത്. കടല്‍ തീരത്ത് നിന്നും മുന്‍പ് മാലിന്യങ്ങള്‍ നീക്കം ചെയ്യുന്ന മോദിയുടെ ചിത്രം പങ്കുവച്ച് ഇതാണ് യാഥാര്‍ഥ്യമെന്നും രാഹുല്‍ വീഴുന്ന ചിത്രം നാടകമാണെന്നും അദ്ദേഹം പരിഹാസത്തോടെ കുറിച്ചു.
Post Your Comments