കൊല്‍ക്കത്ത • പശ്ചിമ ബംഗാളിലെ ഈസ്റ്റ് മിഡ്‌പൂരിൽ ബി.ജെ.പി.പ്രവര്‍ത്തകന്റെ മൃതദേഹം മൃതദേഹം മരത്തില്‍ തൂങ്ങിയ നിലയില്‍ കണ്ടെത്തി. വടക്കൻ ദിനാജ്പൂർ ജില്ലയിൽ ഒരു ബിജെപി എം‌എൽ‌എയുടെ മൃതദേഹം തൂങ്ങിമരിച്ച നിലയിൽ കണ്ടെത്തിയതിന് ദിവസങ്ങൾക്ക് ശേഷമാണ് സമാനമായ സംഭവം.
44 കാരനായ പൂർണചന്ദ്ര ദാസിനെ രാംനഗർ നിയമസഭാ സീറ്റിനു കീഴിലുള്ള കൊച്ചുരി ഗ്രാമത്തിലെ വീടിനടുത്തുള്ള മരത്തിലാണ് തൂങ്ങിമരിച്ച നിലയിൽ കണ്ടെത്തിയത്. ബി.ജെ.പിയുടെ പ്രാദേശിക ബൂത്തിന്റെ ചുമതല ദാസ് ആയിരുന്നു.
രാഷ്ട്രീയ കൊലപാതകം എന്ന് വിശേഷിപ്പിച്ച ദാസിന്റെ കുടുംബം ബുധനാഴ്ച ബി.ജെ.പി പ്രവർത്തകനെ ചിലര്‍ വീട്ടിൽ നിന്ന് വിളിപ്പിച്ചതായി അവകാശപ്പെട്ടു. ഇയാളുടെ മൃതദേഹം സമീപ പ്രദേശത്ത് നിന്ന് അയൽക്കാരാണ് കണ്ടെത്തിയത്.
കഴിഞ്ഞ കുറച്ചു ദിവസങ്ങളായി പ്രാദേശിക ടിഎംസി നേതാക്കൾ അദ്ദേഹത്തിൽ പാർട്ടിയിൽ ചേരാൻ സമ്മർദ്ദം ചെലുത്തിയിരുന്നുവെന്ന് ദാസിന്റെ കുടുംബാംഗങ്ങൾ പറഞ്ഞു. “എന്നാൽ അദ്ദേഹം അത് ചെയ്യാൻ തയ്യാറായില്ല. ഇന്നലെ പ്രാദേശിക ടിഎംസി നേതാക്കളുമായി ഒരു മീറ്റിംഗ് നടത്താൻ തീരുമാനിച്ചിരുന്നു. വൈകുന്നേരം അദ്ദേഹത്തെ തൂങ്ങിമരിച്ച നിലയിൽ കണ്ടെത്തി. സത്യം പുറത്തുവരണമെന്ന് ഞങ്ങൾ ആഗ്രഹിക്കുന്നു,” – അദ്ദേഹത്തിന്റെ കുടുംബത്തിലെ ഒരാൾ പറഞ്ഞു.
പ്രാദേശിക പോലീസ് സ്റ്റേഷനിൽ നിന്നുള്ള പോലീസുകാരത്തി മൃതദേഹം പോസ്റ്റ്‌ മോര്‍ട്ടത്തിനായി അയച്ചു.
പ്രദേശത്ത് ബിജെപിയിൽ സജീവമായിരുന്നതിനാൽ ദാസിനെ ഭരണകക്ഷിയായ തൃണമൂൽ കോൺഗ്രസ് കൊലപ്പെടുത്തിയെന്നാണ് ബിജെപി ആരോപിക്കുന്നത്.
രാഷ്ട്രീയ കൊലപാതകമാണെന്ന് ബി.ജെ.പി വിശേഷിപ്പിക്കുമ്പോൾ, മരിച്ചയാളുടെ പോക്കറ്റിൽ നിന്ന് ആത്മഹത്യാക്കുറിപ്പ് കണ്ടെടുത്തതായി പശ്ചിമ ബംഗാൾ പോലീസ് അവകാശപ്പെട്ടു.
Post Your Comments