ഭോപ്പാല്‍: മാസ്ക് ധരിക്കാതെ പുറത്തിറങ്ങി പോലീസിനെ കണ്ടപ്പോൾ ഭാര്യയുടെ പെറ്റിക്കോട്ട് മാസ്ക് ആക്കി യുവാവ്. മധ്യപ്രദേശിലെ ദാമോഹിലാണ് സംഭവം. മാസ്ക് ധരിക്കാതെ പുറത്തിറങ്ങിയ യുവാവ് നിരത്തില്‍ പൊലീസിനെ കണ്ടതോടെ പിഴ ഒഴിവാക്കാനാണ് പെറ്റിക്കോട്ട് മാസ്ക് ആക്കിയത്. ഇക്കഴിഞ്ഞ ഞായറാഴ്ച ആയിരുന്നു സംഭവം. കോവിഡ് വ്യാപനത്തിന്റെ പശ്ചാത്തലത്തിൽ മധ്യപ്രദേശിൽ പോലീസ് പരിശോധന ശക്തമാക്കിയിരിക്കുകയാണ്. മാസ്ക് ധരിക്കാത്തവരില്‍ നിന്നും പിഴയും ഈടാക്കുന്നുണ്ടായിരുന്നു. പൊലീസ് ചെല്ലാന്‍ എഴുതി നല്‍കുന്നത് ഇതുവഴി ബൈക്കില്‍ വരികയായിരുന്ന യുവാവിന്‍റെ ശ്രദ്ധയില്‍പ്പെട്ടു. ഇതോടെ ഇയാള്‍ കയ്യിലെ ബാഗില്‍ നിന്നും ഭാര്യയുടെ പെറ്റിക്കോട്ട് എടുത്ത് മുഖത്ത് കെട്ടുകയായിരുന്നു. ഇതിന്റെ വീഡിയോ സോഷ്യൽ മീഡിയയിൽ പ്രചരിക്കുന്നുണ്ട്.
Post Your Comments