ലോക്ക്ഡൗണിൽ മുടങ്ങിയ സിബിഎസ്ഇ പരീക്ഷാ തീയ്യതികൾ ഇന്ന് പ്രഖ്യാപിക്കും

ന്യൂഡൽഹി : ലോക്ക്ഡൗൺ മൂലം മുടങ്ങിയ സിബിഎസ്ഇ 10, 12 ക്ലാസ് പരീക്ഷാ തീയതികൾ ഇന്ന് പ്രഖ്യാപിക്കും. കേന്ദ്ര മാനവ വിഭവശേഷി മന്ത്രി രമേശ് പൊഖ്രിയാൽ നിഷാങ്ക് ട്വിറ്ററിലൂടെയാണ് ഇക്കാര്യം അറിയിച്ചത്.

സിബിഎസ്ഇ 12-ാം ക്ലാസിലെ ശേഷിക്കുന്ന പരീക്ഷകൾ ജൂലൈ 1 നും 15 നും ഇടയിലാണ് നടത്തുക. 10, 12 ക്ലാസുകളിലായി 41 പേപ്പറുകളുടെ പരീക്ഷയാണ് ഇനി നടത്താനുളളത്. ഇതിൽ പ്രധാനപ്പെട്ട 29 പേപ്പറുകളുടെ പരീക്ഷകൾ മാത്രമായിരിക്കും നിലവിലെ സാഹചര്യത്തിൽ നടത്തുക.