രാജ്യത്ത് കോവിഡ് രോ​ഗത്തിൽ നിന്ന് മുക്തരാകുന്നവരുടെ നിരക്ക് ഉയരുകയാണെന്ന് കേന്ദ്ര ആരോ​ഗ്യ മന്ത്രാലയം

ന്യൂ ഡൽഹി : രാജ്യത്ത് കോവിഡ് ഭേദമാകുന്നവരുടെ രക്ക് ഉയരുകയാണെന്ന് കേന്ദ്ര ആരോ​ഗ്യ മന്ത്രാലയം. 29.36 ശതമാനമാണ് നിലവിലെ രോ​ഗമുക്തി നിരക്കെന്നും, 216 ജില്ലകൾ ഇതിനോടകം കോവിഡ് മുക്തമായെന്നും ആരോ​ഗ്യ മന്ത്രാലയ വക്താവ് വാർത്താ സമ്മേളനത്തിൽ അറിയിച്ചു.

Also read : സിബിഎസ്ഇ മാറ്റിവെച്ച 10,12 ക്ലാസുകളിലെ പരീക്ഷാതിയതി പ്രഖ്യാപിച്ചു

ജൂൺ‌ മാസത്തോടെ രാജ്യത്ത് റെസ്റ്റൊറെന്റുകൾ തുറക്കുമോ എന്ന് പറയാൻ സാധിക്കില്ല. ഇതരസംസ്ഥാനങ്ങളിൽ നിന്ന് എത്തുന്നവർ ക്വാറന്റൈൻ നിർദ്ദേശങ്ങൾ കർശനമായി പാലിച്ചിരിക്കണം. 5231 റെയിൽവേ കോച്ചുകൾ രോ​ഗികൾക്കായി തയ്യാറാക്കിയിട്ടുണ്ട്.. 215 സ്റ്റേഷനുകളിലായി ഐസൊലേഷൻ കോച്ചുകൾ വിന്യസിപ്പിച്ചിരിക്കുകയാണ്. കരുതൽ നിരീക്ഷണം അനിവാര്യമാണ്. ഇതുവരെ 2.5 ലക്ഷം ഇതര സംസ്ഥാന തൊഴിലാളികളെ ട്രെയിൻ മാർഗം ജന്മ നാട്ടിലേക്ക് എത്തിച്ചുവെന്നും ഇതിനായി 222 ട്രെയിൻ സർവീസ് നടത്തിയെന്നും ആരോ​ഗ്യമന്ത്രാലയ വക്താവ് പറഞ്ഞു.