പൊലീസിനെ പറ്റിക്കാന്‍ നമ്പർ പ്ലേറ്റുകൾ ഒടിച്ചും ഉയർത്തി വച്ചും ബൈക്കിൽ കറങ്ങിയ വിദ്യാർത്ഥികൾക്ക് എട്ടിന്റെ പണി

കണ്ണൂര്‍: പോലീസിനെ കബളിപ്പിക്കാൻ നമ്പർ പ്ലേറ്റുകൾ ഒടിച്ചും ഉയർത്തി വച്ചും നിരത്തിലൂടെ ബൈക്കില്‍ കറങ്ങിയ കോളേജ് വിദ്യാര്‍ത്ഥികൾ പിടിയിൽ. കണ്ണൂര്‍ തളിപ്പറമ്പിലാണ് സംഭവം. ബൈക്കിന്‍റെ മുന്നിലെ നമ്പർ പ്ലേറ്റ് രണ്ടുഭാഗത്തേക്ക് ഒടിച്ചു വെച്ചും പിറകിലെ നമ്പർ പ്ലേറ്റ് മുകളിലേക്ക് ഉയർത്തി വെച്ചും കാഞ്ഞിരങ്ങാടിന് സമീപമാണ് രണ്ട് വിദ്യാർത്ഥികൾ പോലീസിനെ വെട്ടിച്ചത്. ഇതോടെ തളിപ്പറമ്പിലേക്ക് വിവരം കൈമാറി ഇവരെ പിടികൂടുകയായിരുന്നു. ഇത്തരത്തിൽ മറ്റൊരു ബൈക്കിനെ നഗര പരിസരത്ത് വച്ചും പൊലീസ് പിടികൂടി. രണ്ട് ബൈക്കുകളും പൊലീസ് കസ്റ്റഡിയിൽ എടുത്തു.