കൂടത്തായി കൊലപാതക പരമ്പര ആസ്പദമാക്കിയുള്ള സീരിയലിനെതിരെ വിമർശനവുമായി മന്ത്രി ജി സുധാകരൻ

ആലപ്പുഴ : കൂടത്തായി കൊലപാതക പരമ്പര ആസ്പദമാക്കിയുള്ള സീരിയലിനെതിരെ വിമർശനവുമായി പൊതുമരാമത്ത് മന്ത്രി ജി സുധാകരൻ. കേസിനെ ആസ്പദമാക്കിയുള്ള ചാനൽ പരിപാടി കൂടുതൽ പേരെ കൊല്ലാൻ പ്രേരിപ്പിക്കുന്നതാണെന്ന് ആലപ്പുഴയിൽ മംഗളം സംഘടിപ്പിച്ച വികസന സെമിനാർ ഉദ്ഘാടനം ചെയ്തു സംസാരിക്കവെ മന്ത്രി പ്രതികരിച്ചു.  ഒരു ടെലിവിഷൻ ചാനലിൽ കൂടത്തായി കേസിനെ കുറിച്ചുള്ള സീരിയൽ ശ്രദ്ധയിൽപ്പെട്ടു. അത് കൊലപാതങ്ങൾക്കെതിരായ വികാരമല്ല ഉണ്ടാക്കുന്നത്. കോടതിയിൽ കേസ് നടക്കുമ്പോൾ ഇതൊന്നും ഇത്തരത്തിൽ ചിത്രീകരിക്കുന്നത് ശരിയല്ലെന്നും ജി.സുധാകരൻ പറഞ്ഞു.

കേരളത്തെ ഏറെ നടുക്കിയ കൊലപാതകങ്ങളാണ് കൂടത്തായിയിൽ നടന്നത്. ഒരു കുടുംബത്തിലെ നിരവധിയാളുകളെ കൊലപ്പെടുത്തിയതാണെന്ന സത്യം വര്‍ഷങ്ങള്‍ക്ക് ശേഷം പുറത്തുവന്നതും മുഖ്യപ്രതി ജോളി ഉൾപ്പെടെ നാല് പ്രതിക പിടിയിലായതും. സംഭവത്തെ ആസ്പദമാക്കി സിനിമകളും സീരിയലുകളും പ്രഖ്യാപിച്ചിട്ടുണ്ട്. കേസുകളും ചില വിവാദങ്ങളും ഉണ്ടെങ്കിലും കൂടത്തായി എന്ന പേരില്‍ മലയാളത്തില്‍ പരമ്പര ആരംഭിച്ചു. ഗിരീഷ് കോന്നിയാണ് കൂടത്തായി പരമ്പര സംവിധാനം ചെയ്തിരിക്കുന്നത്. സിനിമാ താരം മുക്തയാണ് പരമ്പരയില്‍ മുഖ്യകഥാപാത്രമായ ജോളിയെ അവതരിപ്പിക്കുന്നത്.

Also read : കേട്ടുകേള്‍വികളുടെ അടിസ്ഥാനത്തിലാണ് സമരം നടക്കുന്നത്. പൗരത്വനിയമത്തില്‍ തെറ്റുണ്ടെന്ന് കരുതുന്നില്ല: ശ്രീ ശ്രീ രവിശങ്കര്‍

സി​ലി വ​ധ​ക്കേ​സി​ലാ​ണ് 1200 പേ​ജു​ക​ളു​ള്ള കുറ്റപത്രം പോലീസ് ഇപ്പോൾ സമർപ്പിച്ചിരിക്കുന്നത്. സി​ലി​യെ വ​ധി​ക്കാ​നു​ള്ള ജോ​ളി​യു​ടെ ആ​ദ്യ​ശ്ര​മം പ​രാ​ജ​യ​പ്പെ​ട്ടെ​ന്നും ര​ണ്ടാം ശ്ര​മ​ത്തി​ലാ​ണ് സി​ലി കൊ​ല്ല​പ്പെ​ട്ട​തെ​ന്നും കു​റ്റ​പ​ത്ര​ത്തി​ൽ പറയുന്നു. 165 സാ​ക്ഷി​ക​ളാ​ണ് ഉ​ള്ള​ത്. ആ​ദ്യ ശ്ര​മ​ത്തി​ൽ വി​ഷം ഉ​ള്ളി​ൽ ചെ​ന്ന​ത് മെ​ഡി​ക്ക​ൽ റി​പ്പോ​ർ​ട്ടി​ൽ ഡോ​ക്ട​ർ രേ​ഖ​പ്പെ​ടു​ത്തി​യി​രു​ന്നു. എന്നാൽ ബന്ധുക്കളത് കാര്യമാക്കിയിരുന്നില്ല. റി​പ്പോ​ർ​ട്ട് ക​ണ​ക്കി​ലെ​ടു​ത്തി​രു​ന്നെ​ങ്കി​ൽ സി​ലി മ​രി​ക്കു​മാ​യി​രു​ന്നി​ല്ലെന്നും,സി​ലി വ​ധ​ക്കേ​സി​ൽ ഷാ​ജു​വി​നെ​തി​രെ​യും പി​താ​വ് സ​ക്ക​റി​യ​ക്കെ​തി​രെ​യും വ്യ​ക്ത​മാ​യ തെ​ളി​വു​ക​ളൊ​ന്നു​മി​ല്ലെ​ന്നും റൂ​റ​ൽ എ​സ്പി കെ.​ജി.​സൈ​മ​ൺ പ​റ​ഞ്ഞു.

ഈ ​മാ​സം ആദ്യം കൊ​ല​പാ​ത​ക പ​ര​മ്പ​ര​യി​ലെ ആ​ദ്യ കു​റ്റ​പ​ത്രം സമർപ്പിച്ചിരുന്നു. റോ​യ് തോ​മ​സ് വ​ധ​ക്കേ​സി​ലാണ്  1800 പേജുള്ള കുറ്റപത്രം സമർപ്പിച്ചത്. ആ ​കേ​സി​ലാ​കെ നാ​ല് പ്ര​തി​ക​ളും 246 സാ​ക്ഷി​ക​ളു​മാ​ണു​ള്ള​ത്.  322 ഡോക്യുമെന്‍റ്സും 22 മെറ്റീരിയല്‍ ഒബ്ജെക്ട്സും സമര്‍പ്പിച്ചിട്ടുണ്ട്. ജോളിയാണ് ഒന്നാം പ്രതി.  റോയ് തോമസിന്‍റെ ബന്ധു എം എസ് മാത്യു രണ്ടാം പ്രതിയും താമരശേരിയിലെ സ്വര്‍ണപ്പണിക്കാരനായ പ്രജുകുമാര്‍ മൂന്നാം പ്രതിയും സിപിഎം മുന്‍ പ്രാദേശിക നേതാവ് മനോജ് നാലാം പ്രതിയുമാണ്. കൊലപാതകം,ഗൂഢാലോചന,വ്യാജ രേഖ ചമയ്ക്കൽ,തെളിവ് നശിപ്പിക്കുക,വിഷം കൈയ്യിൽ വെയ്ക്കുക എന്നീ കുറ്റങ്ങളാണ് ചുമത്തിയിട്ടുള്ളത്. കേസിൽ മാപ്പ് സാക്ഷികളില്ല.ജോളിയുടെ രണ്ടു മക്കളുടേതടക്കം ആറ് പേരുടെ രഹസ്യമൊഴി രേഖപ്പെടുത്തിയിരുന്നു.