മണ്ഡല മകരവിളക്കുത്സവത്തിനായി പൊന്നമ്പലത്തില്‍ നട തുറന്നു. വ്രതമെടുത്തും കറുപ്പുടുത്തും പതിവുപോലെ ഭക്തരെത്തി ശബരിമലയിലേക്ക്. ശ്രീകോവില്‍ നടതുറക്കുന്നത് കാണാനായി. ഭക്തര്‍ക്കായിതാ ഈസ്റ്റ്‌കോസ്റ്റിന്റെ അയ്യപ്പഭക്തിഗാനം. അയ്യപ്പസന്നിധിയില്‍ എന്ന ആല്‍ബത്തിലെ ‘ശ്രീകോവില്‍ നടതുറന്നു’ എന്ന് തുടങ്ങുന്ന ഗാനമാണ് പുറത്തിറങ്ങിയത്. ശബരിമല തീര്‍ഥാടന കാലത്തെ വരവേല്‍ക്കുന്ന ഈ ഭക്തിനിര്‍ഭരമായ ഗാനം സംവിധാനം ചെയ്തത് ഈസ്റ്റ് കോസ്റ്റ് വിജയനാണ്. പി കുഞ്ഞിരാമന്‍ നായരുടെ വരികള്‍ക്ക് സംഗീതം നല്‍കിയത് ജയന്‍(ജയ വിജയ), ദുര്‍ഗ വേണുഗോപാല്‍, അമലേന്ദു സുഗതന്‍, അലീന എന്നിവര്‍ ചേര്‍ന്ന് ആലപിച്ച ഗാനങ്ങളുടെ ദൃശ്യാവിഷ്‌കാരം അനില്‍ നായരാണ്. ഓര്‍ക്കസ്‌ട്രേഷന്‍: മഹേന്ദ്ര, വയലിന്‍: അന്നപൂര്‍ണ്ണ, മൃദംഗം/ഗഡം : എണ്ണക്കാട് മഹേശ്വരന്‍, തബല: ബാലു തിരുവനന്തപുരം. ദുര്‍ഗ വേണിഗോപാല്‍, അമലേന്ദു സുഗതന്‍, അലീന, സുദക്ഷിണ എസ്, മംമ്ത മഹേശ്വര്‍, അളകനന്ദ സുഗതന്‍, ആരോണ്‍ ബിജേഷ് എന്നിവരാണ് ഗാനരംഗത്തെത്തുന്നത്. ഈസ്റ്റ് കോസ്റ്റിന്റെ ഔദ്യോഗിക യൂട്യൂബ് ചാനലിലൂടെയാണ് ഗാനം പുറത്തിറക്കിയിരിക്കുന്നത്.
അയ്യപ്പഭക്തി ഗാനങ്ങള്‍ ശ്രവിക്കുന്നത് പുണ്യം കൊണ്ട് വരുമെന്നാണ് വിശ്വാസം. ആയിരത്തിലധികം അയ്യപ്പഗാനങ്ങള്‍ ഇതിനോടകം പുറത്തിറങ്ങിയിട്ടുണ്ട്. ഐതിഹ്യങ്ങളും സങ്കല്‍പ്പങ്ങളും വ്രതാനുഷ്ടാനങ്ങളും മാലയിടുന്നതും മല ചവിട്ടുന്നതും തുടങ്ങി, പൊന്നമ്പലത്തിന്‍ ശ്രീകോവില്‍ നട തുറന്ന് ഹരിവരാസനം പാടി അയ്യപ്പനെ ഉറക്കുന്നതുവരെയുള്ള മുഹൂര്‍ത്തങ്ങളെല്ലാം ഗാനങ്ങളായിട്ടുണ്ട്. അയ്യനെ കാണാനൊരുങ്ങുന്ന ഭക്തരേ ആനന്ദത്തില്‍ ആറാടിക്കാന്‍ കുഞ്ഞു ഗായകരുടെ ഈ അയ്യപ്പഗാനത്തിന് സാധിക്കട്ടെ…
Post Your Comments