‘ ഉണര്‍വ്വ് ഒരു കുറ്റം??? സങ്കടവും ഞെട്ടലും’ ; അലന്‍ ഷുഹൈബിന്റെ അറസ്റ്റില്‍ പ്രതികരിച്ച് ഷഹബാസ് അമന്‍

കോഴിക്കോട്: പന്തീരാങ്കാവില്‍ മാവോയിസ്റ്റ് ബന്ധം ആരോപിച്ച് സിപിഎം പ്രവര്‍ത്തകന്‍ അലന്‍ ഷുഹൈബിനെതിരെ യുഎപിഎ ചുമത്തിയ സംഭവത്തില്‍ പ്രതികരിച്ച് ഗായകനും സംഗീതജ്ഞനുമായ ഷഹബാസ് അമന്‍.

”അലന്‍ മോന്‍! മ്മളെ ശുഐബിന്റെയും സബിതേച്ചിയുടെയും!മുത്ത്പോലത്തെ കുട്ടിയാണു! ഉണര്‍വ്വ് ഒരു കുറ്റം??? സങ്കടവും ഞെട്ടലും. എല്ലാ കുട്ടികളോടും സ്നേഹവും വാല്‍സല്യവും മാത്രം..”- എന്നാണ് ഷഹബാസ് ഫേസ്ബുക്കില്‍ കുറിച്ചത്.

https://www.facebook.com/photo.php?fbid=3026935490656746&set=a.691520330864952&type=3&eid=ARDePYH2yXRanXAuAvwsGSTnjVfihEAqaXUTrGDft5zikl6VnuVZhNly5gZjm9cuWaShUJPcjRJLDyec

അതേസമയം അലന് നിയമസഹായം നല്‍കാന്‍ സി.പി.ഐ.എം തീരുമാനിച്ചു. കോഴിക്കോട് പന്നിയങ്കര ലോക്കല്‍ കമ്മിറ്റിയുടേതാണ് തീരുമാനം. പൊലീസ് നടപടിയെ രൂക്ഷമായി വിമര്‍ശിച്ച് പാര്‍ട്ടി പ്രാദേശിക ഘടകം നിലപാടെടുത്തതിന് പിന്നാലെയാണ് അറസ്റ്റിലായ അലന് നിയമസഹായം നല്‍കുമെന്ന തീരുമാനവുമായി പന്തീരാങ്കാവ് ലോക്കല്‍ കമ്മിറ്റി രംഗത്തെത്തുന്നത്.

READ ALSO: ‘നിന്റെ ചുവന്ന മുണ്ടുകള്‍ എന്നെ ഭയപ്പെടുത്തുന്നതു പോലെ. ഇനി വെള്ളമുണ്ടുകള്‍ മതിയല്ലെ?’- അലന്‍ ഷുഹൈബിന്റെ അറസ്റ്റില്‍ വികാരഭരിതമായി സജിത മഠത്തിലിന്റെ കുറിപ്പ്

പന്തീരാങ്കാവില്‍ സിപിഎം പ്രവര്‍ത്തകരായ യുവാക്കളെ യുഎപിഎ ചുമത്തി അറസ്റ്റ് ചെയ്തതിനെതിരെ വ്യാപക പ്രതിഷേധമാണ് ഉയരുന്നത്.