കാനഡ പൊതുതിരഞ്ഞെടുപ്പ്; നേരിയ ഭൂരിപക്ഷത്തിൽ ജ​സ്റ്റി​ന്‍ ട്രൂ​ഡോ വീണ്ടും അധികാരത്തിലേക്ക് : ​ മ​ല​യാ​ളി സ്ഥാ​നാ​ര്‍​ഥി​ക്കു പരാജയം

ഒ​ട്ടാ​വോ: കാ​ന​ഡ​യി​ല്‍ പ്ര​ധാ​ന​മ​ന്ത്രി ജ​സ്റ്റി​ന്‍ ട്രൂ​ഡോയ്ക്ക് ഭ​ര​ണ​ത്തു​ട​ര്‍​ച്ച. 338 അം​ഗ സ​ഭ​യി​ലേക്ക് നടന്ന മത്സരത്തിൽ 157 സീ​റ്റ് നേ​ടി ട്രൂ​ഡോ​യു​ടെ ലി​ബ​റ​ല്‍ പാ​ര്‍​ട്ടി വ​ലി​യ ഒ​റ്റ​ക​ക്ഷി​യായെങ്കിലും 13 സീ​റ്റു​ക​ള്‍​ക്ക് ലി​ബ​റ​ല്‍ പാ​ര്‍​ട്ടി​ക്ക് കേ​വ​ല ഭൂ​രി​പ​ക്ഷം ന​ഷ്ടമായി. മു​ഖ്യ പ്ര​തി​പ​ക്ഷ​മാ​യ ക​ണ്‍​സ​ര്‍​വേ​റ്റീ​വ് പാ​ര്‍​ട്ടി​ക്ക് 121 സീറ്റാണ് ലഭിച്ചത്. ക​ണ്‍​സ​ര്‍​വേ​റ്റീ​വ് പാ​ര്‍​ട്ടി നേതാവ് ആ​ന്‍​ഡ്രൂ ഷീ​യ​ര്‍ സീ​റ്റ് മെ​ച്ച​പ്പെ​ടു​ത്തി മി​ക​വു കാ​ട്ടി​യെ​ങ്കി​ലും അ​ന്തി​മ​ല​ക്ഷ്യം നേ​രി​ടു​വാൻ തന്റെ ക​ണ്‍​സ​ര്‍​വേ​റ്റീ​വ് പാ​ര്‍​ട്ടിക്ക് സാധിച്ചില്ല.

Also read : ഇന്ത്യയിൽ നിന്നുള്ള ഇരുചക്രവാഹനങ്ങളുടെ കയറ്റുമതിയില്‍ വൻ നേട്ടം

ഒ​ന്‍റാ​രി​യോ പ്ര​വി​ശ്യ​യാ​ണ് ട്രൂ​ഡോ​യെ അ​ധി​കാ​ര​ത്തി​ല്‍ നി​ല​നി​ര്‍​ത്തു​ന്ന​തി​ല്‍ മു​ഖ്യ​പ​ങ്ക് വ​ഹി​ച്ച​ത്. പ​കു​തി​യി​ലേ​റെ സീ​റ്റു​ക​ളും ഇവിടെ നിന്നാണ് ജ​യി​ച്ച​ത്. ഒ​ന്‍റാ​രി​യോയിൽ ലി​ബ​റ​ല്‍ 79 സീ​റ്റ് നേ​ടി​യ​പ്പോ​ള്‍ ക​ണ്‍​സ​ര്‍​വേ​റ്റീ​വി​ന് 36 സീ​റ്റേ നേ​ടാ​ൻ സാധിച്ചൊള്ളു. അതേസമയം ക​ണ്‍​സ​ര്‍​വേ​റ്റീ​വ് സ്ഥാനാർത്ഥിയായി മത്സരിച്ച ഏക് മലയാളി ടോം ​വ​ര്‍​ഗീ​സ് പ​രാ​ജ​യ​പ്പെ​ട്ടു. ഒ​ന്‍റാ​രി​യോ​യി​ലെ മി​സ്സി​സാ​ഗ-​മാ​ള്‍​ട്ട​ണ്‍ മ​ണ്ഡ​ല​ത്തി​ല്‍ ഫെ​ഡ​റ​ല്‍ മ​ന്ത്രി​യും ട്രൂ​ഡോ മ​ന്ത്രി​സ​ഭ​യി​ലെ മൂ​ന്നാ​മ​നെ​ന്നും വി​ല​യി​രു​ത്ത​പ്പെ​ടു​ന്ന ന​വ​ദീ​പ് ബെ​യ്ന്‍​സി​നോ​ടാ​ണ് തോ​റ്റ​ത്.

2015ൽ 184 സീ​റ്റു​ക​ള്‍ നേ​ടി​ അ​ധി​കാ​ര​ത്തി​ലേറിയ ലി​ബ​റ​ല്‍ പാ​ര്‍​ട്ടിക്ക് ഇ​ത്ത​വ​ണ ട്രൂ 27 സി​റ്റിം​ഗ് സീ​റ്റു​ക​ള്‍ ന​ഷ്ട​മാ​യി. ട്രൂ​ഡോ​യു​ടെ പ​ഴ​യ​കാ​ല വം​ശീ​യ നി​ല​പാ​ടു​ക​ളും എ​സ്‌എ​ന്‍​സി ലാ​വ​ലി​ന്‍ അ​ഴി​മ​തി​ക്കേ​സി​ല്‍ ഇ​ട​പെ​ട്ടെ​ന്ന ആ​രോ​പ​ണ​വും പാർട്ടിക്ക് കനത്ത തിരിച്ചടിയായെന്നാണ് റിപ്പോർട്ട്.