പെന്റഗണ്‍: ലൈവ് വാര്‍ത്ത അവതരിപ്പിക്കുന്നതിനിടെ മക്കളുടെ കുസൃതി കാരണം വലഞ്ഞ ബിബിസി പിതാവിനെ ആരും മറന്നുകാണില്ല. വൈറലായ ബിബിസി ഡാഡിക്ക് പിന്നാലെ തരംഗമാവുകയാണ് എംഎസ്എന്‍ബിസി മോം. ലൈവായി വാര്‍ത്ത റിപ്പോര്‍ട്ട് ചെയ്യുന്നതിനിടെ ഫ്രെയിമിലേക്ക് ഓടിക്കയറി കുരുന്ന്. എന്‍ബിസി ന്യൂസ് പെന്റഗണ്‍ കറസ്‌പോണ്ടന്റ് ആയ കോട്ട്‌നി കൂബേയുടെ മകനാണ് ഫ്രെയിമിലേക്ക് ഓടിക്കയറിയത്. വടക്കന്‍ സിറിയയില്‍ തുര്‍ക്കി നടത്തുന്ന വിമാനാക്രമണത്തെ കുറിച്ചുള്ള ചര്‍ച്ചയ്ക്കിടെയാണ് നാലുവയസുകാരന്‍ മകന്‍ ഫ്രെയിമിലേക്ക് ഓടിക്കയറിയത്.
Sometimes unexpected breaking news happens while you're reporting breaking news. #MSNBCMoms #workingmoms pic.twitter.com/PGUrbtQtT6
— MSNBC (@MSNBC) October 9, 2019
ബുധനാഴ്ച രാവിലെ കൂബേ ലൈവ് അവതരിപ്പിക്കുന്നതിനിടെയാണ് സംഭവം. ഫ്രെയിമിലേക്ക് കയറിവന്ന മകനെ ആദ്യം അവഗണിക്കാന്‍ കൂബേ ശ്രമിച്ചു. എന്നാല്‍ ഇതില്‍ പരാജയപ്പെട്ടതോടെ ചിരിച്ച് കൊണ്ട്, ക്ഷമിക്കൂ, മക്കള്‍ എന്നോടൊപ്പമുണ്ട് എന്ന് പറഞ്ഞ ശേഷം അവര്‍ ചര്‍ച്ച തുടര്‍ന്നു. ചാനല്‍ തന്നെയാണ് ഈ രസകരമായ വിഡിയോ ട്വിറ്ററില്‍ പങ്കുവച്ചത്. ചിലപ്പോഴൊക്കെ അവിചാരിതമായ ബ്രേക്കിങ് ന്യൂസുകള്‍ നിങ്ങള്‍ ബ്രേക്കിങ് ന്യൂസ് റിപ്പോര്‍ട്ട് ചെയ്യുന്നതിനിടെ സംഭവിക്കാം എന്നായിരുന്നു ട്വീറ്റ്.
വര്‍ക്കിങ്‌മോംമ്‌സ് എന്ന ഹാഷ്ടാഗോടു കൂടിയാണ് വീഡിയോ പങ്കുവെച്ചത്. 2017 ല്‍ ബിബിസിയില്‍ റോബര്‍ട്ട് കെല്ലി ഇന്റര്‍വ്യൂ ചെയ്യുന്നതിനിടെ മക്കള്‍ ഫ്രെയിമിലേക്ക് കയറിയ വീഡിയോ വന്‍ തരംഗമായിരുന്നു. കൂബേയുടെ വീഡിയോയും സോഷ്യല്‍ മീഡിയ ഏറ്റെടുത്തു.
Post Your Comments