ലക്‌നൗ: ട്രക്കും ടെമ്പോ വാനുകളും കൂട്ടിയിടിച്ച് 15 പേര്‍ മരിച്ചു. മരിച്ചവരില്‍ ഒരു സ്ത്രീയും മൂന്ന് കുട്ടികളും ഉള്‍പ്പെടും. സംഭവത്തില്‍ നിരവധി പേര്‍ക്ക് പരിക്കേറ്റു. ഉത്തര്‍പ്രദേശിലെ ഷാജഹാന്‍പൂരിലാണ് ദാരുണമായ സംഭവം നടന്നത്. അമിത വേഗതയിലെത്തിയ ട്രക്ക് വാനുകളിലേക്ക് ഇടിച്ചുകയറുകയായിരുന്നു. വാനുകളുലുണ്ടായിരുന്നവരാണ് മരിച്ചതെന്നാണ് റിപ്പോര്‍ട്ട്.
ALSO READ: ജമ്മു കശ്മീരിൽ ആധാർ സംവിധാനം ശക്തിപ്പെടുത്താനൊരുങ്ങി കേന്ദ്ര സർക്കാർ
അമിത വേഗത്തില്‍ വന്ന ട്രക്ക് ടെമ്പോയിലും മറ്റൊരു വാനിലും ഇടിച്ച് മറിയുകയായിരുന്നുവെന്ന് എസ്പി (സിറ്റി) ദിനേശ് ത്രിപാഠി പറഞ്ഞു. പരിക്കേറ്റവരെ സമീപത്തെ ആശുപത്രികളില്‍ പ്രവേശിപ്പിച്ചു. സംഭവത്തില്‍ മുഖ്യമന്ത്രി യോഗ ആദിത്യനാഥ് റിപ്പോര്‍ട്ട് തേടി. പരിക്കേറ്റവരുടെ ശരിയായ പരിചരണവും ചികിത്സയും ഉറപ്പുവരുത്താനും അപകടത്തില്‍പ്പെട്ടവര്‍ക്ക് ഉചിതമായ നഷ്ടപരിഹാരം നല്‍കാനും മുഖ്യമന്ത്രി യോഗി ആദിത്യനാഥ് ബന്ധപ്പെട്ട ഉദ്യോഗസ്ഥര്‍ക്ക് നിര്‍ദേശം നല്‍കിയിട്ടുണ്ട്.
Post Your Comments