രാമായണത്തിലെ ജഡായു ചടയമംഗലത്ത്; വൈറലായ ദൃശ്യങ്ങള്‍ക്ക് പിന്നിലെ സത്യാവസ്ഥ ഇതാണ്

കൊല്ലം: കൊല്ലം ചടയമംഗലത്തെ ജഡായുപാറയില്‍ കഴിഞ്ഞ ദിവസം രാമായണത്തിലെ ജഡായു പക്ഷി എത്തി എന്നതരത്തില്‍ സമൂഹമാധ്യമങ്ങളിലും വാട്ട്‌സ്ആപ്പ് ഗ്രൂപ്പുകളിലും ചിത്രങ്ങളും വീഡിയോകളും പ്രചരിച്ചിരുന്നു. രാമായണത്തിലെ ജഡായു ചടയമംഗലത്ത് എന്ന കുറിപ്പോടെയാണ് വീഡിയോ പ്രചരിക്കുന്നത്. എന്നാല്‍ ദൃശ്യങ്ങള്‍ക്ക് പിന്നിലെ സത്യാവസ്ഥ അങ്ങനെയല്ല. ഈ വീഡിയോ വര്‍ഷങ്ങള്‍ക്ക് മുന്‍പ് അര്‍ജന്റീനയില്‍ നിന്ന് ചിത്രീകരിച്ചതാണ്.

https://twitter.com/NatarajaMurthi/status/1155102676280938496

ട്വിറ്ററിലും ഫേസ്ബുക്കിലുമെല്ലാം ജഡായുപാറയിലെത്തിയ ജഡായുവെന്ന കുറിപ്പില്‍ പ്രചരിക്കുന്ന ഈ വീഡിയോ 2014ല്‍ അര്‍ജന്റീനിയയില്‍ നിന്ന് എടുത്തതാണ്. വീഡിയോയില്‍ കാണുന്നത് കോണ്ടോ എന്ന പക്ഷിയാണ് ഇത്. വലിയ ചിറകുകളോട് കൂടിയ ഇവ കഴുകന്‍ വിഭാഗത്തില്‍ ഉള്‍പ്പെടുന്ന പക്ഷിയാണ്. കോണ്ടോ പക്ഷിയെ വിഷബാധയേറ്റ നിലയിലാണ് കണ്ടെത്തിയത്. അന്ന് ഈ പക്ഷിയെ അര്‍ജന്റീനയിലെ ഒരു മൃഗശാലയിലേക്ക് ചികിത്സയ്ക്കായി കൊണ്ടുപോയിരുന്നു. ഇത് വാര്‍ത്തയാവുകയും ചെയ്തിരുന്നു. മുന്‍ വര്‍ഷങ്ങളിലും ഈ വീഡിയോ പലപേരുകളില്‍ പ്രചരിച്ചിരുന്നു.

https://youtu.be/kqvO3zzCxEg