ധർഭംഗ: വെള്ളപ്പൊക്കത്തില്‍ ടിക് ടോക്ക് വീഡിയോ ഷൂട്ട് ചെയ്ത യുവാവിന് ദാരുണാന്ത്യം. ബീഹാറിലെ ധർഭംഗ ജില്ലയിലാണ് സംഭവം. അദൽപുർ ഗ്രാമവാസിയായ അഫ്‌സലാണ് മരിച്ചത്. വെള്ളത്തിൽ കിടന്ന് സംഘട്ടനം ചിത്രീകരിക്കാനായിരുന്നു ശ്രമം. ഇവരുടെ മൊബൈൽ ഫോണിൽ ഈ രംഗങ്ങൾ ചിത്രീകരിച്ചിട്ടുണ്ട്. സ്ലോ മോഷനില്‍ യുവാവ് വെള്ളക്കെട്ടിലേക്ക് എടുത്തു ചാടുന്നത് വീഡിയോയില്‍ കാണാം. കാസിമിനെ രക്ഷിക്കാൻ ശ്രമിക്കുന്നതിനിടെയാണ് അഫ്‌സൽ മരിച്ചത്.
കാസിം വെള്ളത്തിലേക്ക് എടുത്തുചാടുന്നതും പിന്നീട് വെള്ളത്തിൽ നിലകിട്ടാതെ കൈകാലിട്ടടിക്കുന്നതും ദൃശ്യങ്ങളിൽ കാണാം. കാസിമിനെ രക്ഷിക്കാനാണ് അഫ്‌സൽ വെള്ളത്തിലേക്ക് ചാടിയത്. എന്നാൽ കാസിം രക്ഷപ്പെടുകയും അഫ്‌സൽ വെള്ളത്തിൽ മുങ്ങിത്താഴുകയുമായിരുന്നു.
Post Your Comments