അബുദാബിയിലെ ഈ റോഡുകളിൽ ഗതാഗത നിയന്ത്രണം

അബുദാബി : അബുദാബിയിലെ രണ്ടു റോഡുകളിൽ ഗതാഗത നിയന്ത്രണം. അറ്റകുറ്റപ്പണിയുടെ ഭാഗമായി റാഷിദ് ബിൻ സഈദ് സ്ട്രീറ്റിൽ വലതുവശത്തെ 2 ലെയ്നുകള്‍ ഇന്നലെ അർധരാത്രി 12 മുതൽ പുലർച്ചെ 5 വരെ അടച്ചിട്ടിരുന്നു. ഞായർ വരെയാണ് നിയന്ത്രണം.

അതേസമയം അൽമർയ ഐലൻഡിലേക്കുള്ള സർവീസ് റോഡ് കഴിഞ്ഞ ദിവസം അർധരാത്രി 12 മുതൽ അടച്ചിരുന്നു. ഇന്നു രാത്രി 11.30 വരെയാകും നിയന്ത്രണം. യാത്രക്കാർ ബദൽ റോഡുകളെ ആശ്രയിക്കണമെന്നും ഗതാഗത നിയമം പാലിക്കണമെന്നും അധികൃതർ വ്യക്തമാക്കി.