മാഞ്ചസ്റ്റര്‍: ലോകകപ്പ് സെമിയില്‍ ന്യൂസിലന്‍ഡിനെതിരെ എം.എസ് ധോണിയെ അഞ്ചാം നമ്പറില്‍ ഇറക്കാതിരുന്നതിനെ വിമർശിച്ച് സൗരവ് ഗാംഗുലി. കമന്ററി ബോക്സിലിരുന്നാണ് ഗാംഗുലി തന്റെ അതൃപ്‌തി പ്രകടിപ്പിച്ചത്. ധോണിയെ അഞ്ചാം നമ്പറില്‍ ഇറക്കാതിരുന്ന തീരുമാനം എത്ര ആലോചിച്ചിട്ടും മനസിലാവുന്നില്ലെന്നായിരുന്നു ഗാംഗുലി വ്യക്തമാക്കിയത്. ഇന്ത്യക്കായി പതിനായിരത്തിലേറെ റണ്‍സ് നേടിയൊരു താരത്തെ ഇത്തരം സമ്മര്‍ദ്ദഘട്ടത്തിലല്ലാതെ പിന്നെ എപ്പോഴാണ് ഇറക്കുക എന്നും ഇത് അംഗീകരിക്കാനാവില്ലെന്നും ഗാംഗുലി പറയുകയുണ്ടായി.
ധോണി മികച്ച ഫിനിഷറാണ്. പക്ഷെ ഫിനിഷിംഗിന് ഇനിയും ഒരുപാട് ദൂരം സഞ്ചരിക്കാനുണ്ട്. ധോണിയുടെ പരിചയ സമ്പത്തായിരുന്നു ആ സമയത്ത് ഇന്ത്യക്ക് ആവശ്യമായിരുന്നത്. ഇത്തരം സന്ദര്‍ഭങ്ങളിലാണ് ടീം അത് ഉപയോഗിക്കേണ്ടത്. മൂന്നോ നാലോ വിക്കറ്റുകള്‍ തുടക്കത്തിലെ വീണാല്‍ ഇത്തരം പരിചയസമ്പന്നരായ കളിക്കാരെയാണ് ഇറക്കേണ്ടതെന്നും സൗരവ് ഗാംഗുലി വ്യക്തമാക്കി.
Post Your Comments