പ്രണയാഭ്യർത്ഥന നിരസിച്ച എം ബി എ വിദ്യാർത്ഥിനിയെ യുവാവ് കുത്തി വീഴ്ത്തി ; 12 കുത്തുകളേറ്റ പെൺകുട്ടിയുടെ നില ഗുരുതരം

കാസർകോട് ; പ്രണയാഭ്യർത്ഥന നിരസിച്ച വിദ്യാർത്ഥിനിയെ യുവാവ് കുത്തി വീഴ്ത്തി . മംഗളുരുവിലാണ് സംഭവം . എം ബി എ യ്ക്ക് പഠിക്കുന്ന വിദ്യാർത്ഥിനിയെയാണ് സുഹൃത്ത് സുശാന്ത് കുത്തിപരിക്കേൽപ്പിച്ചത് .ശരീരത്തിൽ 12 കുത്തുകളേറ്റ വിദ്യാർത്ഥിനി മംഗളുരുവിലെ സ്വകാര്യ ആശുപത്രിയിൽ ചികിത്സയിലാണ് . സ്ക്കൂട്ടറിലെത്തിയ സുശാന്ത് പെൺകുട്ടിയെ തടഞ്ഞ് നിർത്തി കുത്തുകയായിരുന്നു .

പെൺകുട്ടിയെ കുത്തിയ ശേഷം സ്വയം മുറിവേൽപ്പിക്കാൻ ശ്രമിച്ച സുശാന്തിനെ നാട്ടുകാർ കീഴടക്കി പൊലീസിൽ ഏൽപ്പിക്കുകയായിരുന്നു . സുശാന്തിന്റെ പ്രണയാഭ്യർത്ഥന പെൺകുട്ടി നിരസിച്ചതാണ് ആക്രമണത്തിനു കാരണമെന്ന് പൊലീസ് പറഞ്ഞു . ബാഗമ്പള്ളിയിൽ യുവതിയുടെ വീടിനടുത്ത് വച്ചാണ് സംഭവം .