പാകിസ്ഥാന് ആശ്വാസ ജയം : ദക്ഷിണാഫ്രിക്കയ്ക്ക് കനത്ത തോൽവി

ലണ്ടന്‍: ലോകകപ്പ് പോരാട്ടത്തിൽ ആശ്വാസ ജയം നേടി പാകിസ്ഥാൻ. 49 റണ്‍സിനാണ് ദക്ഷിണാഫ്രിക്കയെ തോൽപ്പിച്ചത്. ടോസ് നേടി ബാറ്റ് ചെയ്ത പാക്കിസ്ഥാന്‍ നിശ്ചിത ഓവറില്‍ ഏഴ് വിക്കറ്റ് നഷ്ടത്തില്‍ നേടിയ 308 റണ്‍സ് മറികടക്കാൻ ദക്ഷിണാഫ്രിക്കയ്ക്ക് സാധിച്ചില്ല. 50 ഓവറിൽ ഒമ്പത് വിക്കറ്റ് നഷ്ടത്തില്‍ 259 റണ്‍സ് മാത്രമാണ് നേടിയത്.

?? keep their #CWC19 semi-final hopes alive!

They beat ?? by 49 runs, with Amir and Riaz among the wickets after half-centuries from Sohail and Azam took them to 308/7. #WeHaveWeWill pic.twitter.com/vjJgNm11Cb

— ICC Cricket World Cup (@cricketworldcup) June 23, 2019

63 റണ്‍സ് നേടിയ ക്യാപ്റ്റന്‍ ഫാഫ് ഡു പ്ലെസിക്ക് മാത്രമാണ് ദക്ഷിണാഫ്രിക്കയുടെ ബാറ്റിംഗ് നിരയിൽ തിളങ്ങാനായത്. ക്വിന്റണ്‍ ഡി കോക്ക് (47), ഹാഷിം അംല (2), എയ്ഡന്‍ മാര്‍ക്രം (7), റാസി വാന്‍ ഡെര്‍ ഡസ്സന്‍ (36), ഡേവിഡ് മില്ലര്‍ (31), ക്രിസ് മോറിസ് (16), കഗിസോ റബാദ (3), ലുങ്കി എന്‍ഗിഡി (1) എന്നിവർ പുറത്തായപ്പോൾ ആന്‍ഡിലെ ഫെഹ്ലുക്വായോ (46), ഇമ്രാന്‍ താഹിർ (1) എന്നിവർ പുറത്താവാതെ നിന്നു. പാക്കിസ്ഥാനു വേണ്ടി ഷദാബ് ഖാന്‍, വഹാബ് റിയാസ് എന്നിവര്‍ മൂന്ന് വിക്കറ്റ് വീതം എറിഞ്ഞിട്ടപ്പോൾ മുഹമ്മദ് ആമിർ രണ്ടു വിക്കറ്റ് സ്വന്തമാക്കി.

With that loss, South Africa are out of #CWC19 semi-final contention.

Pakistan, meanwhile, move up to No.7. Their knockout hopes are very much alive.

Latest standings ⬇️ #WeHaveWeWill | #PAKvSA pic.twitter.com/WmoHhzvdCN

— ICC Cricket World Cup (@cricketworldcup) June 23, 2019

ഹാരിസ് സൊഹൈലിന്റെ (59 പന്തില്‍ 89) മികച്ച പ്രകടനമാണ് പാക്കിസ്ഥാനെ കൂറ്റൻ സ്‌കോറിൽ എത്തിക്കാൻ സഹായിച്ചത്. ബാബര്‍ അസം (69), ഫഖര്‍ സമാന്‍ (44), ഇമാം ഉള്‍ ഹഖ് (44), മുഹമ്മദ് ഹഫീസ് (20), ഇമാദ് വസീം (23), വഹാബ് റിയാസ് (4) എന്നിവരാണ് പുറത്തായ താരങ്ങള്‍. സര്‍ഫറാസ് ഖാന്‍ (2), ഷദാബ് ഖാന്‍ (1) പുറത്താവാതെ നിന്നു. ദക്ഷിണാഫ്രിക്കയ്ക്കായി ലുങ്കി എന്‍ഗിഡി മൂന്ന് വിക്കറ്റെടുത്തപ്പോൾ, ഇമ്രാൻ താഹിർ രണ്ടും, ആന്‍ഡിലെ ഫെഹ്ലുക്വായോ എയ്ഡന്‍ മാര്‍ക്രം എന്നിവർ ഒരു വിക്കറ്റ് വീതം നേടി.