പന്ത്രണ്ടാമത് രാജ്യാന്തര ഡോക്യുമെന്ററി ഹ്രസ്വചലച്ചിത്രമേള ; ഉദ്ഘാടനം 21-ന്

തിരുവനന്തപുരം: കാഴ്ച്ചയുടെ ദൃശ്യ വിരുന്നൊരുക്കി പന്ത്രണ്ടാമത് രാജ്യാന്തര ഡോക്യുമെന്ററി ഹ്രസ്വചലച്ചിത്രമേള തുടങ്ങാൻ ഇനി രണ്ടുനാൾ മാത്രം ബാക്കി. ആറുനാൾ നീളുന്ന മേളയിൽ പങ്കെടുക്കാനുള്ള രജിസ്‌ട്രേഷൻ തുടരുകയാണ്.

തിരുവനന്തപുരം കൈരളി, ശ്രീ, നിള തിയേറ്ററുകളിലായി നടക്കുന്ന ചിലച്ചിത്രോത്സവത്തിന്റെ ഉദ്ഘാടനം 21-ന് വൈകീട്ട് ഗവർണർ പി.സദാശിവം നിർവഹിക്കും. മേളയിലേക്ക് രജിസ്റ്റർ ചെയ്യാൻ www.idsffk.in സന്ദർശിക്കണം. മേള നടക്കുന്ന ദിവസങ്ങളിലും രജിസ്റ്റർചെയ്ത് പങ്കെടുക്കാം. വിവിധ വിഭാഗങ്ങളിലായി 263 ചിത്രങ്ങൾ പ്രദർശിപ്പിക്കും. ദിവസവും അഞ്ചിന് മുഖാമുഖം പരിപാടി നടത്തും.