ഇന്ത്യ പാകിസ്ഥാൻ മാച്ച്; മഴ കാരണം വീണ്ടും കളി നിർത്തി

മാഞ്ചസ്റ്റർ: ഇന്ത്യ പാകിസ്ഥാൻ ലോകകപ്പ് മത്സരം വീണ്ടും മഴമൂലം നിർത്തിവെച്ചു. 35 ഓവറിൽ പാകിസ്ഥാൻ അഞ്ചിന് 166 റൺസ് ആണ് നേടിയത്. മഴ കാരണം ഇപ്പോൾ കളി അവസാനിപ്പിച്ചാൽ മഴ നിയമം അനുസരിച്ച് ഇന്ത്യ 86 റൺസിന് വിജയിക്കും. 18 പന്തിൽ നിന്ന് 7 റൺസെടുത്ത ഇമാം ഉൾ ഹഖാണ് ആദ്യം പുറത്തായത്. 48 റൺസെടുത്ത ബാബർ അസമാണ് പിന്നീട് പുറത്തായത്. കുൽദീപ് യാദവാണ് ബാബറിനെ പുറത്താക്കിയത്. 62 റൺസെടുത്ത ഫഖർ സമാനെയും കുൽദീപ് തന്നെയാണ് പുറത്താക്കിയത്. മുഹമ്മദ് ഹഫീസും ഷുഐബ് മാലിക്കും പിന്നാലെ പുറത്തായി.