കരൂര്‍: കൊച്ചിയില്‍ നിന്നും കാണാതായ സി.ഐ നവാസിനെ തമിഴ്‌നാട്ടിലെ കരൂരില്‍ നിന്നും കണ്ടെത്തി. റെയില്‍വെ പോലീസാണ് നവാസിനെ കണ്ടെത്തിയത്. ഇദ്ദേഹം ബന്ധുക്കളുമായി ഫോണില്‍ സംസാരിച്ചു. കരൂരില്‍ നിന്ന് കൊച്ചിയിലേയ്ക്ക് പുറപ്പെട്ടുവെന്ന് നവാസ് അറിയിച്ചു. വൈകുന്നേരത്തോടെ കൊച്ചിയില്‍ എത്തിച്ചേരുമെന്നും നവാസ് അറിയിച്ചു. ഇന്ന് രാവിലെയാണ് നവാസിനെ പോലീസ് കണ്ടെത്തിയത്.
13 ന് പുലര്‍ച്ചെയാണ് നവാസിനെ കാണാതായത് . തുടര്‍ന്ന് ഭാര്യ പൊലീസില്‍ പരാതി നല്‍കുകയും , മേലുദ്യോഗസ്ഥന്‍ നവാസിനെ മാനസികമായി പീഡിപ്പിച്ചതായി ആരോപിക്കുകയും ചെയ്തിരുന്നു .നവാസിനെ മാനസികമായി തളര്‍ത്തിയെന്ന ആരോപണം നേരിടുന്ന മട്ടാഞ്ചേരി അസിസ്റ്റന്റ് കമ്മിഷണര്‍ സുരേഷ് കുമാറിനെ ചോദ്യംചെയ്തു.
Post Your Comments