ആലപ്പുഴ: പ്രതികളെ പിടിക്കാന്‍ എത്തിയ പോലീസ് ഉദ്യോഗസ്ഥരെ പ്രതികള്‍ വെട്ടി പരിക്കേല്‍പിച്ചു. ആലപ്പുഴ നോര്‍ത്ത് പൊലീസ് സ്റ്റേഷനിലെ സിവില്‍ പൊലീസ് ഓഫീസര്‍മാരായ പോള്‍(41), ഷൈജൂ(36) എന്നിവര്‍ക്കാണ് വെട്ടേറ്റത്. ഇവരെ ആലപ്പുഴ ജനറല്‍ ആശുപത്രിയില്‍ പ്രവേശിപ്പിച്ചു. ഇന്നലെ രാത്രി 7.30ന് ചാത്തനാട്ട് വച്ചായിരുന്നു ആക്രമണം.
കുത്തുകേസിലെ പ്രതികളായ ചാത്തനാട് സ്വദേശികളായ കണ്ണന്‍,രാഹുല്‍ എന്നിവര്‍ കണ്ണന്റെ ചാത്തനാട്ടെ വീട്ടില്‍ ഉണ്ടെന്ന് വിവരം ലഭിച്ചതിനെ തുടര്‍ന്ന് സിവില്‍ പൊലീസ് ഓഫീസര്‍മാരായ പോളും ഷൈജൂവും സ്ഥലത്ത് എത്തി. ഈ സമയം വീടിന് സമീപം നിന്ന കണ്ണന്‍ പോലീസുകാരെ കണ്ട് വാള്‍ ഉപയോഗിച്ച് ഇരുവരെയും വെട്ടുകയായിരുന്നു. പോളിന്റെ കൈക്ക് 14 തുന്നല്‍ ഉണ്ട്. ഷൈജുവിന്റെ വയറിന് മുറിവേറ്റു. രാഹുല്‍ വടികൊണ്ട് ഷൈജുവിനെ അടിക്കുകയും ചെയ്തു.
Post Your Comments