ലണ്ടന്‍: ദക്ഷിണാഫ്രിക്കയെ 104 റണ്‍സിന് പരാജയപ്പെടുത്തി ആതിഥേയരായ ഇംഗ്ലണ്ട് ലോകകപ്പ് ക്രിക്കറ്റിലെ ആദ്യ ജയം സ്വന്തമാക്കി. ഓവലില്‍ നടന്ന മത്സരത്തില്‍ ടോസ് നഷ്ടപ്പെട്ട് ബാറ്റിങ്ങിന് ഇറങ്ങിയ ഇംഗ്ലണ്ട് നിശ്ചിത അൻപത് ഓവറില്‍ എട്ട് വിക്കറ്റ് നഷ്ടത്തില്‍ 311 റണ്‍സ് നേടി. മറുപടി ബാറ്റിങ്ങിന് ഇറങ്ങിയ ദക്ഷിണാഫ്രിക്ക 39.5 ഓവറില്‍ 207ന് എല്ലാവരും പുറത്തായി.
മൂന്ന് വിക്കറ്റ് നേടിയ ജോഫ്ര ആര്‍ച്ചറും രണ്ട് വീതം വിക്കറ്റ് വീഴ്ത്തിയ ലിയാം പ്ലങ്കറ്റ്, ബെന്‍ സ്റ്റോക്സ് എന്നിവരാണ് ദക്ഷിണാഫ്രിക്കൻ ബാറ്റിങ് നിറയെ എറിഞ്ഞിട്ടത്.
ക്വിന്റണ്‍ ഡി കോക്ക് (68), റാസി വാന്‍ ഡെര്‍ ദസന്‍ (50) എന്നിവര്‍ മാത്രമാണ് ദക്ഷിണാഫ്രിക്കന്‍ നിരയില്‍ പൊരുതി നോക്കിയിട്ടും ജയം സ്വന്തമാക്കാനായില്ല. സ്റ്റോക്സ്, പ്ലങ്കറ്റ്, ആര്‍ച്ചര്‍ എന്നിവര്‍ക്ക് പുറമെ ആദില്‍ റഷീദ്, മൊയീന്‍ അലി എന്നിവര്‍ ഓരോ വിക്കറ്റ് വീഴ്ത്തി.
നേരത്തെ ഇംഗ്ലണ്ടിന് വേണ്ടി ബെൻ സ്റ്റോക്ക്‌സ് 89 ഉം ജേസൺ റോയ് 54 ഉം ഇയാൻ മോർഗൻ 57 ഉം ജോ റൂട്ട് 51 ഉം റണ്സെടുത്തു.ദക്ഷിണാഫ്രിക്കയ്ക്ക് വേണ്ടി എൻഗീദി മൂന്നും ഇമ്രാൻതാഹിർ,റബാഡ എന്നിവർ രണ്ടു വിക്കറ്റു വീതവും വീഴ്ത്തി.
Post Your Comments