ഇന്‍ഡോര്‍: ഭോപ്പാലിലെ സ്ഥാനാര്‍ത്ഥിയും മുതിര്‍ന്ന കോണ്‍ഗ്രസ് നേതാവുമായി ദിഗ്വിജയ് സിംഗ് വോട്ട് നഷ്ടപ്പെടുത്തിയതിനെ വിമര്‍ശിച്ച് ബിജെപി നേതാവും മധ്യപ്രദേശ് മുന്‍ മുഖ്യമന്ത്രിയുമായ ശിവരാജ് സിംഗ് ചൗഹാന്‍. മുഖ്യമന്ത്രി കമല്‍നാഥിനെ മുതിര്‍ന്ന കോണ്‍ഗ്രസ് നേതാവായ ദിഗ്വിജയ് സിംഗിനു വിശ്വാസമില്ലാത്തതിനാലാണ് അദ്ദേഗം വോട്ട് നഷ്ടപ്പെടുത്തിയതെന്ന് ചൗഹന്‍ പറഞ്ഞു.
ജനാധിപത്യത്തിലെ സുപ്രധാന ചുമതലയാണ് വോട്ട്. എന്നാല്‍ വിചിത്രമായ രീതിയിലാണ് ദിഗ്വിജയ് സിംഗ് പെരുമാറുന്നത്. ഒരു പൗരനെന്ന നിലയിലും പത്ത് വര്‍ഷം മുഖ്യമന്ത്രിയായിരുന്ന വ്യക്തിയെന്ന നിലയിലും വോട്ട് നഷ്ടപ്പെടുത്തിയതിലൂടെ അദ്ദേഹത്തിന്‍റെ ജനാധിപത്യത്തിലുള്ള മനോഭാവമാണ് പ്രകടമാകുന്നതെന്ന് ചൗഹാന്‍ കുറ്റപ്പെടുത്തി.
രാജ്ഗഢ് മണ്ഡലത്തിലായിരുന്നു ദിഗ് സിംഗ് വോട്ട്. എന്നാല്‍ തിരക്കുമൂലം അദ്ദേഹത്തിന് വോട്ട് ചെയ്യാനായില്ല. വോട്ടിംഗ് സമയത്ത് അദ്ദേഹം ഭോപ്പാലിലായിരുന്നു. ബിജെപിയുടെ പ്രജ്ഞാ സിംഗ് താക്കൂറാണ് ദിഗ്വിജയ് സിംഗിനെതിരെ മത്സരിക്കുന്നത്.
Post Your Comments