ജലക്ഷാമത്തിൽ വലഞ്ഞ് മ​ഞ്ചേ​രി മെ​ഡി​ക്ക​ൽ കോ​ളേജ്

മ​ഞ്ചേ​രി : ജലക്ഷാമത്തിൽ വലഞ്ഞ് മ​ഞ്ചേ​രി , മ​ഞ്ചേ​രി മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ ശു​ദ്ധ​ജ​ല​ക്ഷാ​മം ശക്തമായി ആ​ശു​പ​ത്രി​യി​ലേ​ക്കു വെ​ള്ളം പ​ന്പ് ചെ​യ്യു​ന്ന കു​ള​ത്തി​ൽ വെ​ള്ളം കു​റ​ഞ്ഞ​തോ​ടെ ആ​ശു​പ​ത്രി​യു​ടെ ദൈ​നം​ദി​ന പ്ര​വ​ർ​ത്ത​ന​ങ്ങ​ൾ പ്ര​തി​സ​ന്ധി​യി​ലാ​യി​രി​ക്കു​ക​യാ​ണ്.

ദിവസേന അ​ഞ്ഞൂ​റി​ൽ​പ​രം രോ​ഗി​ക​ളും അ​വ​രു​ടെ പ​രി​ചാ​ര​ക​രും അ​ട​ക്കം ആ​യി​ര​ത്തി​ൽ​പ​രം ആ​ളു​ക​ൾ വെ​ള്ള​മി​ല്ലാ​തെ പ്ര​യാ​സ​പ്പെ​ടു​ക​യാ​ണ്. ആ​ശു​പ​ത്രി​യി​ലെ അ​ഞ്ഞൂ​റോ​ളം ജീ​വ​ന​ക്കാ​ർ, ആ​ശു​പ​ത്രി​യു​ടെ മു​ക​ളി​ലെ ര​ണ്ടു നി​ല​ക​ളി​ലാ​യി താ​മ​സി​ച്ചു പ​ഠി​ക്കു​ന്ന 150 മെ​ഡി​ക്ക​ൽ വി​ദ്യാ​ർ​ഥി​ക​ൾ അ​ട​ക്കം ബു​ദ്ധി​മു​ട്ടു​ന്നു. ചാ​ലി​യാ​ർ പു​ഴ​യി​ലെ ടാ​ങ്കി​ൽ നി​ന്നു നേ​രി​ട്ടാ​ണ് അ​ക്കാ​ഡ​മി​ക് ബ്ലോ​ക്കി​ലേ​ക്ക് ജ​ല​മെ​ത്തി​ക്കു​ന്ന​ത്.

കൂടാതെ ഇ​വി​ടെ നി​ന്നു ആ​ശു​പ​ത്രി​യി​ലേ​ക്കു പൈ​പ്പ് ലൈ​ൻ വ​ലി​ച്ചു ജ​ല​ക്ഷാ​മം പ​രി​ഹ​രി​ക്കാ​ൻ അ​ധി​കൃ​ത​രു​ടെ ഭാ​ഗ​ത്തു നി​ന്നു ഒ​രു ശ്ര​മ​വും ഉ​ണ്ടാ​യി​ട്ടി​ല്ല. ഗ​ർ​ഭി​ണി​ക​ൾ, പ്ര​സ​വി​ച്ചു കി​ട​ക്കു​ന്ന​വ​ർ, കാ​ൻ​സ​ർ രോ​ഗി​ക​ൾ, ശ​സ്ത്ര​ക്രി​യ ക​ഴി​ഞ്ഞു കി​ട​ക്കു​ന്ന രോ​ഗി​ക​ൾ, സം​സ്ഥാ​ന​ത്തെ വി​വി​ധ ജി​ല്ല​ക​ളി​ൽ നി​ന്നു പ​ഠ​ന​ത്തി​നെ​ത്തി​യ വി​ദ്യാ​ർ​ഥി​ക​ൾ അ​ട​ക്കം എ​ല്ലാ​വ​രും ദു​രി​തം​പേ​റി ക​ഴി​യു​ക​യാ​ണ്. പു​ത്ത​ൻ​കു​ളം ന​ന്നാ​ക്കാ​നും അ​ക്കാ​ഡ​മി​ക് ബ്ലോ​ക്കി​ൽ നി​ന്നു പൈ​പ്പ് ലൈ​ൻ വ​ലി​ച്ച് ആ​ശു​പ​ത്രി​യി​ൽ ജ​ലം എ​ത്തി​ക്കാ​ൻ ഉ​ട​ൻ സം​വി​ധാ​നം ഉണ്ടാകണമെന്നാണ് ആ​വ​ശ്യം