കനത്ത മഴ; കാർഷികമേഖലയ്ക്ക് നഷ്ടം 4.42 കോടിയെന്ന് കണക്കുകൾ

മലപ്പുറം: കനത്ത മഴയിൽ വ്യാപക കൃഷി നഷ്ടം , വേനൽ മഴയും കാറ്റുംമൂലം ജില്ലയിലെ കാർഷികമേഖലയിൽ 4.42 കോടിയുടെ നാശനഷ്ടം സംഭവിച്ചു . ഏപ്രിൽ 17-മുതൽ 27-വരെയുള്ള കണക്കനുസരിച്ചാണ് . വരൾച്ചമൂലമുണ്ടായ 1.70 കോടിയുടെ നഷ്ടത്തിന് പുറമെയാണിത്.

നഷ്ടത്തിന്റെ കാര്യത്തിൽ വാഴക്കർഷകർകരാണ് കൂടുതലും ദുരിതത്തിലായത് . 1,96,440 വാഴകളാണ് കാറ്റിൽ നശിച്ചത്. ഇതിലൂടെ മാത്രം 3.62 കോടിയുടെ നഷ്ടമുണ്ടായി. ജില്ലയിൽ ആകെ 1701 കർഷകർക്ക് നഷ്ട്ടങ്ങൾ സംഭവിച്ചതായി റിപ്പോർട്ടിൽ വ്യക്തമാക്കുന്നു . ഇതിൽ 1,170 പേരും വാഴക്കൃഷി ചെയ്യുന്നവരാണ്. 115.98 ഹെക്ടറിലാണ് മഴ നാശം വിതച്ചത്.

കൂടാതെ ശക്തമായ മഴയിൽ തെങ്ങ്, കുരുമുളക്, നെൽക്കർഷകർക്കും നാശ നഷ്ട്ടം സംഭവിച്ചിട്ടുണ്ട് . വരൾച്ചമൂലം 304 നെൽക്കർഷകർക്ക് കൃഷി വിളവെടുക്കാൻ കഴിഞ്ഞില്ല. കൊണ്ടോട്ടി, പുളിക്കൽ, നന്നമ്പ്ര, എടരിക്കോട്, മൂത്തേടം, പെരുമണ്ണ ക്ലാരി, ഊർങ്ങാട്ടിരി, കരുളായി, ഊരകം, നെടിയിരുപ്പ്, എടക്കര, മഞ്ചേരി, വാഴക്കാട്, വാഴയൂർ, പൂക്കോട്ടൂർ, പൊൻമള, ആനക്കയം, അരീക്കോട് ഭാഗങ്ങളിലാണ് മഴ കൂടുതൽ നാശമുണ്ടാക്കിയത്.