ശിശുക്ഷേമ സമിതിയുടെ നേതൃത്വത്തിലുള്ള അന്താഷ്ട്ര ചലച്ചിത്രമേള മെയ് 10 മുതല്‍

പത്തനംതിട്ട: സംസ്ഥാന ശിശുക്ഷേമ സമിതിയുടെ നേതൃത്വത്തില്‍ തിരുവനന്തപുരത്ത് മെയ് 10 മുതല്‍ 16 വരെ അന്താരാഷ്ട്ര ചലച്ചിത്രമേള നടത്തും. പത്തനംതിട്ട ജില്ലയില്‍ എട്ട്, ഒമ്പത്, 10 ക്ലാസുകളില്‍ പഠിക്കുന്ന കുട്ടികള്‍ക്ക് 13,14,15 തീയതികളില്‍ മേളയില്‍ പങ്കെടുക്കാം. ആദിവാസി വിഭാഗത്തില്‍ നിന്നും 25 കുട്ടികള്‍ക്കും ജനറല്‍ വിഭാഗത്തില്‍ 10 കുട്ടികള്‍ക്കുമാണ് പങ്കെടുക്കാന്‍ അവസരം. പങ്കെടുക്കുന്നവര്‍ക്കുള്ള താമസം, ഭക്ഷണം എന്നിവ സംസ്ഥാന ശിശുക്ഷേമ സമിതി നല്‍കും. ജനറല്‍ വിഭാഗത്തില്‍ നിന്നും പങ്കെടുക്കുന്ന കുട്ടികള്‍ 500 രൂപ രജിസ്‌ട്രേഷന്‍ ഫീസ് നല്‍കണം. പങ്കെടുക്കുന്നതിന് ഓണ്‍ലൈനായും രജിസ്റ്റര്‍ ചെയ്യാം. പങ്കെടുക്കുന്ന കുട്ടികളെ ജില്ലാ ശിശുക്ഷേമ സമിതിയുടെ നേതൃത്വത്തില്‍ കൊണ്ടുപോവുകയും തിരികെയെത്തിക്കുകയും ചെയ്യും. ഫോണ്‍: 9645374919, 8547370322.