കോഴിക്കോട്: നോമിനേഷന്‍ സമര്‍പ്പിക്കാന്‍ എ.ഐ.സി.സി പ്രസിഡന്റ് രാഹുല്‍ ഗാന്ധിയും സഹോദരി പ്രിയങ്ക ഗാന്ധിയും ഇന്ന് കോഴിക്കോട് എത്തും. ഹെലികോപ്റ്ററില്‍ പ്രതിരോധ വകുപ്പിന്റെ നിയന്ത്രണത്തിലുള്ള വെസ്റ്റ്ഹില്‍ വിക്രം മൈതാനിയില്‍ ഇറങ്ങുന്ന രാഹുല്‍ ഗാന്ധിയെ പ്രതിപക്ഷ നേതാവ് രമേശ് ചെന്നിത്തല, കെ.പി.സി.സി പ്രസിഡന്റ് മുല്ലപ്പള്ളി രാമചന്ദ്രന്‍, മുന്‍ മുഖ്യമന്ത്രി ഉമ്മന്‍ചാണ്ടി എന്നിവര്‍ ചേര്‍ന്ന് സ്വീകരിക്കും. അസമിലെ പ്രചാരണ പരിപാടികള്‍ക്ക് ശേഷം ഗോഹട്ടിയില്‍ നിന്നാണ് അദ്ദേഹം കോഴിക്കോട് എത്തുന്നത്.
ഇന്ന് രാത്രി കോഴിക്കോട് ഗവ. ഗസ്റ്റ്ഹൗസിലായിരിക്കും അദ്ദേഹം വിശ്രമിക്കുക. നാളെ രാവിലെ വിക്രം മൈതാനിയില്‍ നിന്ന് തന്നെ ഹെലികോപ്റ്ററില്‍ കല്പറ്റയിലേക്ക് പോവും.അവിടെ റോഡ് ഷോയിലൂടെ കളക്ടറേറ്റില്‍ എത്തി പത്രിക സമര്‍പ്പിക്കും.
Post Your Comments