തന്റെ ഇഷ്ട ഫുട്ബോള്‍താരം ആരെന്ന് വെളിപ്പെടുത്തിയിരിക്കുകയാണ് കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി. കഴിഞ്ഞ ദിവസം മണിപ്പൂരില്‍ നടന്ന ഡയലോഗ് ഫോര്‍ ഡെമോക്രസി എന്ന പരിപാടിയില്‍ പങ്കെടുക്കവെയാണ് രാഹുല്‍ തന്റെ ഇഷ്ടതാരം ആരെന്ന് വ്യക്തമാക്കിയത്.
യുവന്റസിന്റെയും റൊണാള്‍ഡോയുടെയും ആരാധകനാണ് താനെന്നും റൊണാള്‍ഡോ റയല്‍ മാഡ്രിഡ് വിടുന്നത് വരെ ഒരു റയല്‍ ആരാധകനായിരുന്നു. എന്നാല്‍, ബാഴ്സലോണയും റയല്‍ മാഡ്രിഡും തമ്മില്‍ താരതമ്യം ചെയ്യുമ്പോള്‍ എനിക്കിഷ്ടം ഇന്നും റയലാണെന്നും രാഹുല്‍ വ്യക്തമാക്കി.ക്രിസ്റ്റ്യാനോ റൊണാള്‍ഡോ റയല്‍ വിട്ട് ഇറ്റാലിയന്‍ ക്ലബായ യുവന്റസിലേക്ക് ചേക്കേറിയത് കഴിഞ്ഞ വര്‍ഷമാണ്.
സൂപ്പര്‍ താരംറൊണാള്‍ഡോയുടെ അഭാവം റയലിനെ ഇന്ന് നന്നായി അലട്ടുന്നുണ്ടെങ്കിലും യുവന്റസ് റോണോയുടെ ചിറകുകളേറി ഉയരങ്ങള്‍ കീഴടക്കുകയാണ്.യുവേഫ ചാമ്പ്യന്‍സ് ലീഗില്‍ അത്‌ലറ്റികോ മാഡ്രഡിനെതിരായ മത്സരത്തില്‍ ക്രിസ്റ്റിയാനോയുടെ ഹാട്രിക്കിലൂടെ വന്‍ തിരിച്ചുവരവാണ് യുവന്റസ് ചാമ്പ്യന്‍സ് ലീഗില്‍ നടത്തിയത്.
Post Your Comments