ക്രിക്കറ്റിലെ ഒത്തുകളി കൊലപാതകത്തേക്കാള്‍ വലിയ കുറ്റമാണെന്ന് എംഎസ് ധോണി

ചെന്നൈ : ക്രിക്കറ്റിലെ ഒത്തുകളി കൊലപാതകത്തേക്കാള്‍ വലിയ കുറ്റമാണെന്ന തുറന്നു പറച്ചിലുമായി എംഎസ് ധോണി. ധോണിയെക്കുറിച്ചുള്ള ഡോക്യുമെന്ററി ‘റോര്‍ ഓഫ് ദ് ലയണ്‍’ ട്രെയ്‌ലറിലാണ് ഇക്കാര്യം പറയുന്നത്. ഒത്തുകളിയുടെ പേരില്‍  ഐപിഎല്ലില്‍ ധോണിയുടെ ടീമായ ചെന്നൈ സൂപ്പര്‍ കിംഗ്സിനു  രണ്ടു വർഷം വിലക്ക് ഏർപ്പെടുത്തിയതിന്റെ പശ്ചാത്തലത്തില്‍ കൂടിയാണ് ധോണി ഈ പരാമർശം നടത്തിയത്.

Watch how @msdhoni and a bunch of men in yellow jerseys wrote one of India's greatest comeback stories. #HotstarSpecials is proud to present #RoarOfTheLion. Trailer out. pic.twitter.com/nkWpV1EPnl

— Disney+ Hotstar VIP (@DisneyplusHSVIP) March 10, 2019

ഒത്തുകളിയില്‍ എന്റെ ടീം പങ്കാളികളായെന്ന വാര്‍ത്ത വന്നു. എന്റെ പേരും അതിലേക്ക് വലിച്ചിഴക്കപ്പെട്ടു. ആ കാലം വളരെ കഠിനമായിരുന്നു. രണ്ടുവര്‍ഷത്തേക്ക് ഞങ്ങളെ വിലക്കിയ നടപടി അല്‍പം കടന്നുപോയെന്ന് ആരാധകര്‍ക്ക് പോലും തോന്നി. അതുകൊണ്ടുതന്നെ തിരിച്ചുവരവ് അല്‍പം വൈകാരികമായിരുന്നു. ഇത്തരം തിരിച്ചടികള്‍ ഞങ്ങളെ കൂടുതല്‍ കരുത്തരാക്കിയിട്ടേയുള്ളുവെന്നും ധോണി പറയുന്നു.