ലക്നൗ: തൊഴിലില്ലെന്നു പറഞ്ഞ വിദ്യാര്‍ത്ഥിയെ ബിജെപി പ്രവർത്തകർ തല്ലിതച്ചു. ഉത്തര്‍പ്രദേശിലെ മുസാഫര്‍നഗറിലാണ് സംഭവം. ഒരു ടിവി പരിപാടിക്കിടെ ഇന്ത്യയില്‍ തൊഴില്‍ ഇല്ലെന്ന് അഭിപ്രായം പറഞ്ഞതിനാണ് വിദ്യാര്‍ത്ഥിയെ തല്ലിയത്. ഇയാളെ തീവ്രവാദി എന്നു വിളിച്ചായിരുന്നു ബിജെപിക്കാരുടെ ആക്രമണം.
സ്വകാര്യ ടെലിവിഷൻ ചാനൽ സംഘടിപ്പിച്ച പരിപാടിക്കിടെയായിരുന്നു വിദ്യാര്‍ത്ഥി ഈ അഭിപ്രായം രേഖപ്പെടുത്തിയത്. എന്നാല്‍ ഇയാള്‍ സര്‍ക്കാരിനെ വിമര്‍ശിച്ചു എന്നു പറഞ്ഞ് ഒരു സംഘം ആളുകൾ വളഞ്ഞുവച്ച് മർദിക്കുകയായിരുന്നു. അതേസമയം ഇന്ത്യക്കും ബിജെപിക്കും എതിരാണെന്ന് ആരോപിച്ചായിരുന്നു തന്നെ സംഘം മർദിച്ചതെന്ന് യുവാവ് പറഞ്ഞു.എന്നാല്‍ ഇതിനെതിരെ നടപർടി എടുക്കുമെന്ന് പോലീസ് ഉറപ്പു നല്‍കിയെങ്കിലും സംഭവത്തിൽ ഇതുവരെ ആരെയും അറസ്റ്റ് ചെയ്തിട്ടില്ല.
Post Your Comments