തിരുവനന്തപുരം: വിങ് കമാഡര്‍ അഭിനന്ദന് വര്‍ദ്ധമാന് അഭിനന്ദനവുമായി പ്രതിപക്ഷ നേതാവ് രമേശ് ചെന്നിത്തല. ഫെയ്‌സ്ബുക്കിലൂടെയാണ് പ്രതിപക്ഷ നേതാവ് അഭിനന്ദന് ആശംസകള്‍ നേര്‍ന്നത്.
‘പ്രാര്‍ത്ഥനകള്‍ സഫലമായി. പ്രിയ അഭിനന്ദന് പിറന്നനാട്ടില്‍ മടങ്ങിയെത്തി. ഓരോ ഇന്ത്യക്കാരനും അഭിമാനമാണ് ഈ വൈമാനികന്‍. അഭിനന്ദനം അഭിനന്ദന്’; ചെന്നിത്തല ഫേസ്ബുക്കില്‍ കുറിച്ചു.
രാത്രി ഒമ്പത് മണിയോടെയാണ് വിങ് കമാന്‍ഡര്‍ അഭിനന്ദന് വര്‍ദ്ധമാനെ പാകിസ്ഥാന്‍ ഇന്ത്യയ്ക്ക് കൈമാറിയത്. മണിക്കൂറുകള്‍ വൈകിച്ചാണ് അഭിനന്ദനെ പാകിസ്ഥാന്‍ ഇന്ത്യക്ക് വിട്ടു നല്‍കിയത്. വ്യോമസേനയിലെയും പ്രതിരോധ, വിദേശകാര്യമന്ത്രാലയങ്ങളിലെയും ഉന്നത ഉദ്യോഗസ്ഥര്‍ വിങ് കമാന്‍ഡറെ സ്വീകരിക്കാന്‍ എത്തിയിരുന്നു. അഭിനന്ദന് പറപ്പിച്ചിരുന്ന മിഗ്-21 ബൈസണ്‍ പോര്‍വിമാനം പാക് അധീന കശ്മീരില്‍ തകര്‍ന്നുവീണതിനെ തുടര്‍ന്ന് ബുധനാഴ്ചയാണ് അഭിനന്ദനെ പാകിസ്ഥാന്‍ പിടികൂടിയത്. ‘സമാധാനത്തിന്റെ സന്ദേശ’മെന്ന നിലയില്‍ അഭിനന്ദന് വര്‍ധമാനെ വെള്ളിയാഴ്ച വിട്ടയക്കുമെന്ന് പാക് പാര്‍ലമെന്റിന്റെ സംയുക്ത സമ്മേളനത്തില്‍ പാക് പ്രധാനമന്ത്രി ഇമ്രാന്‍ ഖാനാണ് പ്രഖ്യാപിച്ചത്.
Post Your Comments